ఇచ్చిన మాట నిలబెట్టుకున్న నాగార్జున.. సంతోషంలో బిగ్‌బాస్ కంటెస్టెంట్

స్టైలీష్ మ్యాన్‌గా పేరు తెచ్చుకున్న అలీ..

హౌస్‌లో ఉన్నంత వరకు సిక్స్ ప్యాక్‌ను ఎక్స్‌పోజ్ చేస్తూ అందర్నీ ఆకట్టుకున్న అలీ రె జా.. టాప్ 5లో నిలిచాడు. వీకెండ్ వస్తే చాలు అందరి కంటే భిన్నంగా కనబడి మార్కులు కొట్టేసేవాడు. స్టైలింగ్‌లో, లుకింగ్‌లో ఎన్నో జాగ్రత్తలు తీసుకునేవాడు.

పాయింట్ అవుట్ చేసిన నాగ్..

అందరిలో కెల్లా అలీ రెజా ఉండే విధాన్ని నాగార్జున్ ఎన్నో సార్లు పాయింట్ అవుట్ చేశాడు. స్టేజ్ పై నుంచే ఎన్నో సార్లు అలీ డ్రెస్సింగ్ స్టైల్, లుకింగ్‌ను మెచ్చుకున్నాడు. డ్రెస్సింగ్ సెన్స్ ఉంది కానీ కామన్ సెన్స్ లేదంటూ ఓ సారి ఫైర్ అయిన సంగతి కూడా అందరికీ తెలిసిందే.

నాగ్‌ను కోరిన అలీ..

అలా స్టైలింగ్ ఎంతో ఇంట్రెస్ట్ ఉన్న అలీకి బ్రాండెడ్ షూస్ అంటే ఇష్టమన్న సంగతి తెలిసిందే. తాను తెచ్చుకున్న వాటిలో అవే ఎక్కువగా ఉన్నాయని కూడా తోటి సభ్యులు ఎన్నో సార్లు ఆటపట్టించేవారు. వీకెండ్‌లో హోస్టింగ్ చేయడానికి వచ్చిన నాగ్‌ను.. అలీ ఓ కోరిక కోరాడు. నాగ్ వేసుకున్న షూస్ నచ్చాయని, ఆ బ్రాండ్ అంటే తనకు ఇష్టమని తెలిపాడు. అవి ఇవ్వండని అడిగిన సంగతి తెలిసిందే. అయితే అప్పుడు నాగ్ బయటకు వచ్చాక ఇస్తానని మాటివ్వగా.. ప్రస్తుతం దాన్ని నెరవేర్చుకున్నాడు.

హ్యాపీ ఫీల్ అయిన అలీ..

‘మాటకు కట్టుబడే నిజమైన మనిషి.. ఆయనకిష్టమైన బ్రాండెడ్ షూస్‌ను బహుమతిగా ఇచ్చాడు.. బిగ్ బాస్ హౌస్‌లో ఉన్నప్పుడు నేను అడిగిన షూస్.. అప్పడు ఇచ్చిన మాట ప్రకారం.. ఇప్పుడు నా చేతిలో ఉన్నాయి.. లవ్యూ నాగ్ సర్.. యూ ఆర్ ది బెస్ట్' అంటూ పోస్ట్ చేశాడు.