గత వారంలో 4 కోట్ల మంది వీక్షించారు.. బిగ్ బాస్ రికార్డులపై నాగ్ సెన్సేషనల్ కామెంట్స్

నాగార్జున కామెంట్స్..

ప్రతి వారం కోట్లాదిమంది వీక్షకులకు వినోదం కలిగించడమే అత్యుత్తమ సంతృప్తిగా నిలుస్తుంది. అదీ మహమ్మారి విజృంభణ లాంటి కష్టకాలంలో ఆ బాధను మరిపించేలా ఉంటే మరింత ఆనందంగా ఉంటుందని బిగ్ బాస్ గురించి, దాని రికార్డుల గురించి నాగార్జున వివరించాడు.

జీఈసీలో వాటా..

గతంలో విజయవంతంగా మూడు సీజన్‌లు పూర్తి చేసుకున్న ఈ షో తమ సొంత రికార్డులనే అధిగమించి అపూర్వమైన రీతిలో 20+టీవీఆర్‌ (ఎస్‌డీ+హెచ్‌డీ) సాధించడంతో పాటుగా ప్రతి వారం ఆకట్టుకునే ప్రదర్శనతో 4 జీఈసీలలో 42% వాటా (ఎస్‌డీ+హెచ్‌డీ)ను పొందిందని బిగ్ బాస్ టీం వెల్లడించింది.

అత్యత్తుమ సంతృప్తి..

ప్రతి వారం కోట్లాదిమందికి వినోదం అందించడం అత్యుత్తమ సంతృప్తిని అందిస్తుంది. మహమ్మారి విజృంభణ లాంటి కష్టసమయంలోనూ ఇలా ఎంటర్టైన్ చేయడం ఎంతో సంతోషంగా ఉందని నాగార్జున అన్నాడు. బిగ్‌బాస్‌ సీజన్‌ 4 గత రికార్డులను తుడిచిపెట్టేసిందని అసలు లెక్కలు నాగార్జున చెప్పాడు.

నాలుగు కోట్లకు పైగా..

జాతీయస్థాయిలో బిగ్‌బాస్‌ 3 సీజన్‌ సృష్టించిన రికార్డులనూ ఇది అధిగమించిందని, 20+ టీవీఆర్‌తో ఇది బిగ్‌బాస్‌ షోలలో అతిపెద్ద ఆవిష్కరణగా నిలిచిందని నాగార్జున పేర్కొన్నాడు. గతవారం ఏపీ మరియు తెలంగాణాలలో 4 కోట్లకు పైగా వీక్షకులు దీనిని వీక్షించడం ఈ షో పట్ల వారి ప్రేమకు నిదర్శనమన్నాడు.

Recommended Video

Bigg Boss Telugu 4 : Rahul Sipligunj Slams Trollers

ఫినాలె ఎపిసోడ్..

గత 12 వారాలలో జంట రాష్ట్రాలలో దాదాపు 83% మంది వీక్షకులు బిగ్‌బాస్‌ సీజన్‌ 4 వీక్షించారు. ఇది అపూర్వం. ఇప్పుడు మేము అత్యంత ఉత్సాహ పూరితమైన దశలో ప్రవేశించాము. ఈ షో యొక్క ఫైనల్‌ మరింత ఆసక్తిగా ఉండబోతుంది. బిగ్‌బాస్‌ సీజన్‌4 ప్రేక్షకులకు నాగార్జున హృదయపూర్వక కృతజ్ఞతలు తెలిపాడు.