కౌశల్‌కు తుపాకి గురిపెట్టిన నాగార్జున.. ఆరు బుల్లెట్లు ఉన్నాయని బెదిరింపు.. బిగ్‌బాస్‌లో అందమైన భామ

వేదికపై గణపతి ఊరేగింపు

ఆదివారం ప్రసారమయ్యే ఎపిసోడ్‌లో నాని వెరైటీగా దర్శనిమిచ్చాడు. గణపతిని ఊరేగిస్తూ వేదికపైకి వచ్చారు. బాజాలా మోగిస్తూ గణపతి బొప్ప మోరియా అంటే ఊరేగింపులో పాల్గొన్నారు. చాలా సందడిగా సందడిగా జరిగిపోయినట్టు కనిపించింది.

చేత్తో తుపాకితో నాగార్జున

వేదిక మీద దేవదాస్ సినిమా గురించి ఓ కథ చెబుతూ.. అనగనగా ఓ ఊర్లో డాక్టర్. డాక్టర్ ప్రేమ కథ అంటుండగానే నాగార్జున తుపాకీ పేల్చి వేదికపైకి వచ్చాడు. వేదిక మీద నుంచి సెలబ్రిటీలను ఉద్దేశించి.. మా డాక్టర్‌ను ఎవరో ఇబ్బంది పెడుతున్నారట అంటూ తుపాకీ చూపించాడు.

ఎన్ని తూటాలు ఉన్నాయి

నాగార్జున మాటల్లో నాని మాట కలుపుతూ.. ఆ తుపాకిలో ఎన్ని తూటాలు ఉన్నాయి అని అడిగాడు. అందుకు ఆరు బుల్లెట్లు ఉన్నాయి అని సమాధానమిచ్చారు. దాంతో ఇంట్లోని ఆరుగు సభ్యులు కంగుతిన్నారు.

పోయే కాలం వచ్చిందా?

నానితోపాటు ఇంటి సభ్యులతో నాగార్జున అలా సరదాగా మాట్లాడుతూ.. ఎప్పటి నుంచి ఉంటున్నారు అని అడుగగా.. 106 రోజులు అని నాని, సభ్యులు సమాధానమిచ్చారు. దాంతో మీకు ఏదైనా పోయే కాలం వచ్చిందా? అని ప్రశ్నించారు.

కౌశల్‌పైకి తుపాకీ ఎక్కుపెట్టి

నాగార్జునతో కౌశల్ మాట్లాడుతూ.. దేవదాస్ ట్రైలర్‌లో పెగ్గుల మీద పెగ్గులు ఇచ్చేశారు అని అన్నారు. దానికి సమాధానం ఇస్తూ.. ఇంట్లో పెగ్గు ఇస్తారా అని అడిగితే ఇవ్వరు అని సమాధానం ఇచ్చారు. అంతలోనే మీ హీరోయిన్లు బాగా ఉన్నారు అని కౌశల్ అనగా.. తుపాకీ ఎక్కుపెట్టి మీదకు ఉరికినట్టు చేశాడు.

ఐదుగురు అమ్మాయిలు ఉంటే

ఇంట్లో అలా అన్ని రోజులు ఉండటం నా వల్ల కాదు. ఒకవేళ ఆరుగురిలో ఐదుగురు అమ్మాయిలు ఉంటే నేను ఉండగలను అని నాగార్జున అన్నారు. అంతలోనే నాని వైపు నాగ్ తిరిగి స్టేజి మీద కలర్స్ లేరేంటి అని అడుగా.. నాకు అదే సమస్యగా మారింది అని గోడు చెప్పుకొన్నాడు.

వేదికపై రష్మిక, ఆకాంక్ష

నాని బాధ చూసి నీ కోసం అమ్మాయిలను పంపుతాను అంటూ నాని వెళ్లిపోయాడు. అంతలోనే పడుచందం పక్కనుంటే పడిపోదా పురుష జన్మ అంటూ పాట వస్తుండగా నాని వెనుక నుంచి రష్మిక, ఆకాంక్ష సింగ్ వచ్చి షాకిచ్చారు. ఇలా బిగ్‌బాస్ కలర్‌ఫుల్‌గా సాగింది.