తెరవెనక నాగబాబు సీరియస్ ప్రయత్నాలు.. ఇక లాభంలేదని! మెగా బ్రదర్ స్కెచ్ అదిరింది

టార్గెట్ అదే.. పోటీని మరింత పటిష్టం చేసేలా ప్లాన్

జబర్దస్త్ రేటింగ్స్‌ని బీట్ చేయడమే టార్గెట్‌గా పెట్టుకొని అదిరింది జడ్జ్ అయ్యారు నాగబాబు. ఈ మేరకు జబర్దస్త్ నుంచి చమ్మక్ చంద్ర, ఆర్పీ, ధన్‌రాజ్, వేణులను కూడా రంగంలోకి దించారు. కానీ రేటింగ్స్‌ పరంగా ఆశించిన ఫలితం రావట్లేదని సమాచారం. ఈ నేపథ్యంలోనే వెనక్కితగ్గకుండా ఆ పోటీని మరింత పటిష్టం చేసేలా సరికొత్తగా ప్లాన్ చేస్తున్నారట.

యూబ్యూబ్‌లో కామెంట్స్.. యాజమాన్యం మార్పులు

జబర్దస్త్‌ షోను ఢీకొట్టాలని రంగంలోకి దిగిన అదిరింది.. దానికి సరైన పోటీ ఇవ్వడం లేదు. ఇది గమనించిన 'అదిరింది' యాజమాన్యం షోలో కొన్ని మార్పులు చేస్తోందని తెలుస్తోంది. యూబ్యూబ్‌లో కామెంట్ల రూపంలో వస్తున్న ప్రేక్షకుల ఫీడ్‌బ్యాక్‌ని పరిగణనలోకి తీసుకొని.. అందుకు తగ్గట్లుగా మార్పులు చేర్పులు చేస్తున్నారని టాక్.

తెరవెనక నాగబాబు ప్రయత్నాలు

మరోవైపు అదిరిందిని ట్రాక్ లోకి తెచ్చేందుకు తెరవెనక నాగబాబు సీరియస్‌గా ప్రయత్నాలు మొదలు పెట్టారని సమాచారం. ఈ క్రమంలోనే కొత్త స్టార్లను రంగంలోకి దింపుతున్నారట. యూబ్యూబ్‌లో నెటిజన్స్ ఇచ్చిన సలహా మేరకు పటాస్ స్టార్స్‌ని కూడా 'అదిరింది' లోకి లాగేస్తున్నారట.

స్కెచ్ ఇదే.. కొత్త టీమ్‌ రెడీ

ఈ క్రమంలోనే గత వారం పటాస్ నుంచి సద్దాంను తీసుకొచ్చారు. అదేబాటలో ఈ వారం మరో పటాస్ స్టార్‌ యాదమ్మ రాజును రంగంలోకి దింపారు. ఈ మేరకు పటాస్ స్టార్స్ సద్దాం, యాదమ్మరాజు లతో ఓ కొత్త టీమ్‌ రెడీ చేసి సరికొత్త కామెడీ ట్రాక్ ప్రేక్షకులకు అందించాలని నాగబాబు ప్లాన్ చేస్తున్నారట.

Nagababu Re-Entry Rumors Into Jabardasth || Filmibeat Telugu

నాగబాబు కమిట్‌మెంట్ ఇస్తే.. ఇదే నిదర్శనం

ఆదివారం ప్రసారం కాబోయే అదిరింది ఎపిసోడ్ ప్రోమోలో సద్దాం, యాదమ్మరాజు కామెడీ పంచ్‌‌లు హైలైట్ అవుతున్నాయి. ఈ పంచెస్ చూసి నాగబాబు, నవదీప్ పడిపడి నవ్వుతూ కనిపించారు. సో ఈ ప్లాన్ వర్కవుట్ అయిందంటే ఇక పటాస్ వీరులందరినీ లాగే ప్రయత్నం చేసే అవకాశాలు కనిపిస్తున్నాయి. ఏదేమైనా

అదిరింది కోసం నాగబాబు చేస్తున్న ఈ సీరియస్ ప్రయత్నాలు ఆయన కమిట్‌మెంట్ ఇస్తే ఎలా ఉంటుందనే దానికి నిదర్శనం అని చెప్పుకోవచ్చు.