బిగ్‌బాస్‌కు అరుదైన రికార్డు.. తేజస్వి ఎలిమినేషన్‌తో.. షోను నిలబెట్టిన నాని!

తేజస్వి ఎలిమినేషన్‌తో

ఎన్టీఆర్ హోస్ట్‌గా బిగ్‌బాస్ తొలి సీజన్‌తో పోల్చుకొంటే ఆరంభంలో రెండో సీజన్‌కు పెద్దగా ఆదరణ లేదు. కానీ తేజస్వి, భానుశ్రీ ఎలిమినేషన్ల ముందు జరిగిన ఎపిసోడ్స్‌కు మంచి రెస్సాన్స్ వచ్చిందని ర్యాంకింగ్ పాయింట్లు స్పష్టం చేస్తున్నాయి.

నాని లోపాల సవరణ

హోస్ట్‌గా నాని లోపాలను సవరించుకొని బిగ్‌బాస్ షోను మరోస్థాయికి తీసుకెళ్లేందుకు ప్రయత్నిస్తున్నాడు. ఆదివారం ప్రసారమైన ఎపిసోడ్ అందుకు నిదర్శనం చెప్పవచ్చు. ఆదివారం రోజున ప్రసారమైన ఎపిసోడ్‌కు మంచి రేటింగ్ వచ్చింది.

మంచు లక్ష్మీ, ప్రదీప్ బూస్ట్

గత వారాంతంలో వైఫ్ ఆఫ్ రామ్ ప్రమోషన్ కోసం మంచు లక్ష్మీ రావడం ప్రత్యేక ఆకర్షణగా మారింది. అలాగే స్టార్ యాంకర్ ప్రదీప్ మాచినేని కూడా బిగ్‌బాస్ హౌస్‌లోకి అతిథిగా ప్రవేశించడం ప్రేక్షకులను ఆకట్టుకొన్నది. తేజస్వి ఎలిమినేషన్ కావడంతో ఫ్యామిలీ ఆడియెన్స్ తిరిగి వచ్చారనే కామెంట్ వినిపిస్తున్నది.

రికార్డు పాయింట్స్

బిగ్‌బాస్ వీకెండ్ ప్రసారానికి 11 టీవీఆర్ పాయింట్లు రావడం ఓ రికార్డుగా చెప్పుకోవచ్చు. అలాగే బిగ్‌బాస్ రేటింగ్ 6.5 నుంచి 6.8 పాయింట్లతో మెరుగుపడింది. దీంతో 906 జీఆర్పీ పాయింట్లతో స్టార్ మా తెలుగు టెలివిజన్ రంగంలో నంబర్ 1గా నిలిచింది.

అండగా నిలిచిన సీరియల్స్

బిగ్‌బాస్‌కు తోడుగా స్టార్ మా టెలివిజన్‌లో కార్తీక దీపం, కుంకుమ పువ్వు, కోయిలమ్మ సీరియల్స్ బుల్లితెర ప్రేక్షకులను విశేషంగా ఆకర్షిస్తున్నాయి.