Bigg Boss Telugu 7: ఎలిమినేషన్‌లో ఊహించని ట్విస్ట్ ఇచ్చిన బిగ్ బాస్... ఉల్టాపుల్టా అంటే ఇదే కదా?

Published: Saturday, November 18, 2023, 20:05 [IST]

బిగ్ బాస్ తెలుగు సీజన్ 7 రోజు రోజుకు ఆసక్తి పెంచుతోంది. ఇక పది వారాలు విజయవంతంగా పూర్తి చేసుకున్న ఈ షో.. 11వ వారం వీకెండ్ ఎపిసోడ్ కు కూడా రెడీ అయింది. ఇక ఈ వీకెండ్ ఎపిసోడ్ లో ఎవరు ఎలిమినేట్ కానున్నారు అనేది ఆసక్తిగా మారింది. ఇక మరో నాలుగు వారాల్లో ఈ షో ముగియనుంది.. ఇప్పటికే హౌస్ నుంచి 10 మంది ఎలిమినేట్ అయిపోయారు.. ఈసారి ఎవరు ఎలిమినేట్ కానున్నారు అనేది ఉత్కంఠగా మారింది. మరోవైపు ఎవిక్షన్ పాస్.. బిగ్ బాస్ ఎలిమినేషన్.. ఇలా వీకెండ్ ఎపిసోడ్ పై భారీ అంచనాలు ఉన్నాయి. అయితే ఈ నేపథ్యంలోనే బిగ్ బాస్ ప్రేక్షకులకు ఊహించని షాక్ ఇచ్చాడని తెలుస్తోంది. ఆ వివరాలు ఈ స్టోరీలో తెలుసుకుందాం.

బిగ్ బాస్ తెలుగు సీజన్ 7 ఇప్పటికే చివరి అంకానికి చేరుకుంది. మొదటి విడుతలో 14 మంది కంటెస్టెంట్స్ ఎంట్రీ ఇచ్చారు. ఇక ఐదో వారంలో ఐదుగురు కంటెస్టెంట్స్ వైల్డ్ కార్డు ద్వారా ఎంట్రీ ఇచ్చారు. దాంతో పాటు.. ఓ కంటెస్టెంట్ రీఎంట్రీ.. ఇలా ప్రేక్షకులకు ఉల్టా పుల్టా పేరుతో షాక్ లు, ట్విస్టులు ఇస్తునే ఉన్నాడు బిగ్ బాస్. ఇక గత వారం అంతా ఫ్యామిలీ వీక్ నడిచింది. ఇక ఈ వారం ఎవిక్షన్ పాస్ కోసం పోటీలు నిర్వహించాడు బిగ్ బాస్.

No One Eliminate in Bigg Boss Telugu 11th Week Full Details Here

మొదట అర్జున్ అంబటికి ఎవిక్షన్ పాస్ రాగా.. ఆ తర్వాత యావర్ చేతికి వచ్చింది. అలా యావర్ చేతికి రావడంతో.. ఆ పాస్ తో ఎవరిని సేఫ్ చేస్తారు అనేది ఇంట్రెస్ట్ గా మారింది. ఇదిలా ఉంటే.. ఇది ఉల్టా పుల్టా కాబట్టి.. ఆ పాస్ కాపాడేది కాదు.. కాటేసేది అని తర్వాత తేలింది. ఆ పాస్ యూజ్ చేసి.. ఎవరినైనా ఎలిమినేట్ చేయొచ్చని చెప్పారు. ఇక వీకెండ్ ఎపిసోడ్ లో నాగార్జున యావర్ చీటింగ్ గేమ్ గురించి అడగటంతో.. యావర్ ఆ పాస్ ను వెనక్కి ఇచ్చేశాడని తెలుస్తోంది.

ఇక ఈ వారం డబుల్ ఎలిమినేషన్ అంటూ అంతా అనుకున్నారు. ఇక యావర్ ఆ పాస్ ను వెనక్కి ఇవ్వడంతో.. ఒక్కరే ఎలిమినేట్ కానున్నారని అన్నారు. మొదటి నుంచి డేంజర్ జోన్ లో రతికా రోజ్, శోభా శెట్టి, అశ్వినీ శ్రీలు ఉన్నారు. వీరిలో అతి తక్కువ ఓటింగ్ వచ్చిన అశ్విని శ్రీ లేదా.. శోభా శెట్టి వెళ్లిపోనుందని అన్నారు. ఇక ఈ వారం ఈ ఇద్దరు పోతే బెటర్ చాలా మంది అనుకున్నారు. ఇక రతికా రోజ్ కూడా పోవాలని చాలా మంది అనుకున్నారు.

కానీ ఇప్పుడు ఎలిమినేషన్ విషయంలో బిగ్ బాస్ బిగ్ ట్విస్ట్ ఇచ్చినట్లు తెలుస్తోంది. ఊహించని షాక్ ఇచ్చారని సమాచారం. అదేంటంటే.. ఈ వారం నో ఎలిమినేషన్ అని తెలుస్తోంది. మీరు విన్నది నిజమే.. 11వ వారం ఎవరినీ ఎలిమినేట్ చేయలేదట. ఇక డేంజర్ జోన్ లో ఉన్న అశ్విని, రతికా, శోభా శెట్టి ఈ వారం కూడా సేఫ్ అయిపోయారు.

ఇక ప్రస్తుతం హౌస్ లో 10 మంది కంటెస్టెంట్స్ ఉన్నారు. శివాజీ, ప్రశాంత్, యావర్, అమర్ దీప్, గౌతమ్, అర్జున్, ప్రియాంక, రతికా రోజ్, శోభా శెట్టి, అశ్వినీ శ్రీ ఉన్నారు. ఈ వారం నామినేషన్స్ లో శివాజీ, ప్రశాంత్ తప్ప అందరూ ఉన్నారు. ఇక బిగ్ బాస్ ఊహించని నిర్ణయంతో ఈ వారం అంతా సేఫ్ అయిపోయారు. ఇక బిగ్ బాస్ మరో నాలుగు వారాల్లో ముగియనుండగా.. మరో రెండు వారాలు పొడిగించే అవకాశం ఉందని తెలుస్తోంది. ఎందుకంటే.. టాప్ 5 కంటెస్టెంట్స్ ను ఫినాలికే పంపించాలంటే మరో రెండు వారాలు పొడిగించాలి. చూడాలి మరి ఏం జరగనుందో.

More from Filmibeat