చిరు, నాగ్ ఇచ్చినవి కూడా అతని ఖాతాలోనే వేసుకుంటున్నాడు.. సోహెల్‌కు నోయల్ కౌంటర్

విన్నర్ కంటే ఎక్కువగా..

బయటకు వచ్చాక సోహెల్ మాట్లాడిన మాటలు ఎక్కువగా వైరల్ అవుతున్నాయి. విన్నర్‌కు 25 లక్షలు మాత్రమే వచ్చాయి.. నాకు మాత్రం 45 లక్షలు వచ్చాయంటూ అన్నింటిని తన ఖాతాలో చెప్పుకొచ్చాడు. పైగా బిగ్ బాస్ ట్రోఫీ గురించి దారుణంగా మాట్లాడాడు. కావాలంటే దాని కంటే పెద్దది తయారు చేయించుకుందామని సోహెల్ మాట్లాడిన మాటలు వైరల్ అవుతున్నాయి.

సోహెల్‌పై ట్రోలింగ్..

సోహెల్ మాట్లాడిన మాటలు విన్నర్ ప్రైజ్ మనీపై కామెంట్ చేయడం, అది కూడా మెహబూబ్ అందించిన హింట్‌తోనే మోసం చేశారని నెటిజన్లు ట్రోల్ చే్స్తున్నారు. అయితే తాజాగా నోయల్ ప్రైజ్ మనీ కామెంట్లపై స్పందించాడు. డబ్బులు ఇక్కడ కాకుంటే ఎక్కడైనా సంపాదిస్తామని చెప్పుకొచ్చాడు.

వారు ఇచ్చిన వాటిని కూడా..

చిరంజీవి, నాగార్జున గారు మంచి మనసుతో ఇచ్చిన వాటిని కూడా తన ఖాతాలో వేసుకుంటున్నాడు.. ఏం చెప్పాలో తెలియడం లేదు.. అయినా డబ్బులు ఎక్కడైనా సంపాదించుకోవచ్చు.. కానీ కప్పు మాత్రం అలా కాదు.. ప్రజల అభిమానంతో గెలవడం గొప్పా అంటూ నోయల్ పరోక్షంగా సోహెల్‌పై కౌంటర్ వేశాడు.

వీడియో వైరల్..

మెహబూబ్ ఇచ్చిన హింట్‌తోనే సోహెల్ ఇలా డేరింగ్ స్టెప్ వేశాడని అందరూ కామెంట్ చేస్తున్నారు. ఇది మోసం చేయడమేనని, 420 అంటూ, స్కామ్ అని ఇలా రకరకాలుగా సోహెల్, మెహబూబ్‌లను నెటిజన్లు టార్గెట్ చేస్తున్నారు. మరి వీటిపై ఆ ఇద్దరూ ఎలా స్పందిస్తారో చూడాలి.