Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Evaru Meelo koteeswarudu బుల్లితెరపైకి ఎన్టీఆర్ రావడం కష్టమే.. ఫ్యాన్స్కి నిరాశే?
జూనియర్ ఎన్టీఆర్ త్వరలో తెలుగు ప్రేక్షకులను బుల్లితెర ద్వారా పలకరించడానికి సిద్ధమవుతున్న సంగతి తెలిసిందే. ఎవరు మీలో కోటీశ్వరులు అనే ఒక రియాలిటీ గేమ్ షో ఒకటి ఆయన హోస్ట్ గా సిద్ధమవుతోంది. అయితే షో జెమిని టీవీలో త్వరలోనే టెలికాస్ట్ కావాల్సి ఉంది. ఇప్పట్లో రాజమౌళి సినిమా ద్వారా ఆయన చూడలేకపోతున్నాం అని బాధ పడుతున్న ఆయన ఫ్యాన్స్ కు ఇది ఒక రకంగా శుభవార్త అని చెప్పాలి.
ఇంకేముంది మరికొద్ది రోజుల్లో తారక్ ను బుల్లితెర మీద చూసుకుందాం అన్న వారి ఆశలు అడియాశలు అయ్యే అవకాశం కనిపిస్తోంది. ఎందుకంటే ఈ ఈ రియాలిటీ షో టెలికాస్ట్ వాయిదా పడే అవకాశాలు కనిపిస్తున్నాయి.
పరిస్థితి ఏమీ బాలేదు
దానికి కారణం మరేమిటో కాదు తెలుగు రాష్ట్రాలతో పాటు మన దేశాన్ని సైతం మళ్లీ భయపెడుతున్న కరోనా. అవును నిజమే, తారక్ షో ఒకవేళ వాయిదా పడితే దానికి కారణం కరోనా అనే చెప్పాలి. ప్రస్తుతానికి తెలుగు రాష్ట్రాలతో పాటు దేశవ్యాప్తంగా కరోనా కేసులు కల్లోలం సృష్టిస్తున్నాయి. ఇప్పటికే చాలా రాష్ట్రాలు లాక్ డౌన్ లో కి వెళ్ళిపోయే యోచనలో ఉన్నాయి.
తెలుగు రాష్ట్రాల మంత్రులు సైతం ప్రస్తుతం పరిస్థితి ఏమీ బాలేదని కేవలం ఆర్థికంగా ఆలోచించి ఇంకా లాక్ డౌన్ లాంటిది విధించడం లేదని కానీ ప్రస్తుతం ఉన్న పరిస్థితుల్లో లాక్ డౌన్ విధించడం ఒక్కటే సరైన చర్య అని అభిప్రాయపడుతున్న సంగతి తెలిసిందే. ఈ నేపథ్యంలోనే ఈ షో వాయిదా పడే అవకాశం కనిపిస్తోంది.
లక్షల నుండి వందల్లోకి అప్లికేషన్లు
అయితే ఈ షో వాయిదా వెనుక కారణం తెలిస్తే ఆశ్చర్యపోక మానరు. ప్రస్తుతం ఈ షో కి సంబంధించిన ఆడిషన్స్ జరుగుతున్నాయి. గతంలో ఇలాంటి షోస్ లో పాల్గొనడానికి లక్షల మంది పోటీ పడే వారు. లక్షల అప్లికేషన్ లు ప్రతి రోజూ వచ్చి పడేవి. ఆ వచ్చిన లక్షలాది అప్లికేషన్లలో స్క్రూటినీ చేసి అభ్యర్థులను పిలిచి నేరుగా ముఖాముఖి ఇంటర్వ్యూ చేసి వారి వలన షోకు ఉపయోగం ఉంటుందని తెలిస్తేనే వారిని సెలెక్ట్ చేసేవాళ్ళు.
కానీ ఇప్పుడు కరోనా పూర్తిగా పరిస్థితిని మార్చేసింది. లక్షల అప్లికేషన్లు పక్కన పెడితే ఇప్పుడు వందలో అప్లికేషన్ రావడం మొదలయ్యాయి. అది కూడా అప్లికేషన్ పెట్టారు కానీ ఇప్పుడు ఆడిషన్ కి రమ్మంటే ప్రస్తుతం ఉన్న పరిస్థితుల్లో చాలా మంది రాలేమని చెబుతూ ఉండడం ఆశ్చర్యకరంగా మారింది..
Recommended Video
నిజంగా డబ్బులు గెలిచినా అవి తమ వరకు రానివ్వరు
అదీగాక ఇలాంటి షో లో నిజంగా డబ్బులు గెలిచినా అవి తమ వరకు రానివ్వరు అనే అపోహ ఉంటుంది. ఇది కూడా జనాలు షోకు రావడం కోసం వెనక అడుగు వేయడానికి ఒక కారణం అనే టాక్ వినిపిస్తోంది. ఇలాంటి షోలలో ప్రతివారం సినిమా ప్రమోషన్లు చేస్తూ ఉండడంతో ఇది కేవలం రియాలిటీ షో మాత్రమేనని ఇక్కడ జనాన్ని ఉద్ధరించే పనులు ఏవీ పెట్టుకోలేదని జనానికి ఒక క్లారిటీ వచ్చేసింది.
అందుకే ఈ కరోనా టైంలో వచ్చి ఆడిషన్స్ లో పాల్గొని కరోనా సోకితే తర్వాత ఇబ్బందులు పడే బదులు ఎలాంటి టెన్షన్ లేకుండా ఇంట్లో కూర్చుని టీవీలో చూస్తే చాలు అనే భావన చాలా మంది వ్యక్తం చేస్తున్నారని తెలుస్తోంది. ఈ నేపథ్యంలో ఈ షో ఇప్పట్లో టెలికాస్ట్ అవ్వడం అంటే అది కష్టం అనే చెప్పాలి. మరి చూడాలి ఏమవుతుందో అనేది.