బిగ్ బాస్ 3: ఎన్టీఆర్ హోస్టింగ్‌పై అనుమానాలు, నో చెప్పాడా?

ఎన్టీఆర్ నో చెప్పారట

‘బిగ్ బాస్ 3' హోస్ట్ చేయాలనే ప్రపోజల్‌కు యంగ్ టైగర్ నో చెప్పినట్లు తెలుస్తోంది. రాజమౌళితో మాట్లాడిన తర్వాత తారక్ ఈ నిర్ణయం తీసుకున్నట్లు వార్తలు ప్రచారంలోకి వచ్చాయి.

ఆర్ఆర్ఆర్ షూటింగ్

రాజమౌళి దర్శకత్వంలో ‘ఆర్ఆర్ఆర్' మూవీ ఎన్టీఆర్, రామ్ చరణ్ మల్టీస్టారర్‌గా రూపొందుతోంది. ఏప్రిల్ నుంచి మేజర్ షెడ్యూల్స్ ప్లాన్ చేస్తున్నారు. వచ్చే ఏడాది జనవరి నాటికి సినిమా షూటింగ్ పార్ట్ చేయాలని రాజమౌళి భావిస్తున్నారు.

వీలు కాదు, మరొకరిని చూసుకోండని ఎన్టీఆర్ చెప్పారా?

‘ఆర్ఆర్ఆర్' సినిమా షూటింగ్ బిజీ వల్ల తాను ‘బిగ్ బాస్ 3' షో హోస్ట్ చేయలేనని, మీరు మరొకరిని చూసుకోవాలని ఇప్పటికే తారక్ షో నిర్వాహకులకు సూచించినట్లు సమాచారం.

ఎన్టీఆర్‌కు ఇష్టమే కానీ...

‘బిగ్ బాస్' షో చేయడంపై ఎన్టీఆర్‌ ఆసక్తిగా ఉన్నప్పటికీ... ‘ఆర్ఆర్ఆర్' సినిమా వల్ల డేట్స్ అడ్జెస్ట్ కావడం లేదని, పైగా ఇది తన కెరీర్లో అత్యంత ప్రతిష్టాత్మకమైన సినిమా కాబట్టి రెండింటికి డేట్స్ ఇచ్చి రిస్క్ తీసుకునే ప్రయత్నం చేయడం లేదని సమాచారం.