Don't Miss!
- Sports వేరీజ్ `మ్యాడ్` మ్యాక్సీ: ఆర్సీబీలో గందరగోళం
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
హేమ విషయంలో అలా జరుగడం బాధగా ఉంది: పరుచూరి గోపాలకృష్ణ
బిగ్ బాస్ 3 నుంచి తొలివారమే ఎలిమినేట్ అయిన హేమ గురించి ప్రముఖ రచయిత పరుచూరి గోపాలకృష్ణ ఆసక్తికర వ్యాఖ్యలు చేశారు. 15 ఏళ్ల వయసులో ఆమె రాఘవేంద్రరావుగారి 'రక్త కన్నీరు' సమయంలో పరిచయం. హీరోయిన్ అవుతుంది అనుకున్నాను. కానీ అద్భుతమైన కమెడియన్గా కన్వర్ట్ అయింది. తన జీవితాన్ని తనే రచించుకుంది. 'అతడు' లాంటి సినిమాల్లో లేడీ బ్రహ్మానందంలా నవ్వించింది. ఒకానొక సమయంలో హేమ కనపడని సినిమా ఉందా? అనే అంత బిజీగా గడిపిందని పరుచూరి గుర్తు చేసుకున్నారు.
బిగ్ బాస్ 3 నుంచి హేమ తొలివారమే ఎలిమినేట్ అవ్వడంతో బాధేసింది. నాకు తెలిసిన అమ్మాయి, చిన్నప్పటి నుంచి పరిచయం ఉన్న అమ్మాయి కావడం వల్ల అలా అనిపించింది. బిగ్ బాస్ షోకు అంటూ కొన్ని రూల్స్ ఉండొచ్చు. మొదటి వారమే ఎలిమినేషన్ ఉండటం కరెక్ట్ కాదు అనిపించింది. ఎందుకంటే వారు కలిసి ఉండేది నాలుగైదు రోజులే, ఇంట్లోని 15 మందిని అర్థం చేసుకోవడానికి సమయం పడుతుంది. కానీ ఆ లోపే ఎలిమినేట్ అవ్వడం వల్ల వారు ఏం తప్పు చేశారో తెలుసుకునే అవకాశం కూడా వారికి లేకుండా పోతోందని పరుచూరి అన్నారు.
ఇందులో ప్రేక్షకుల ఓట్లు తప్ప... ఆమె బయటకు రావడానికి కారణం ఏమిటో నాకైతే కనిపించలేదు. వారు ఏదైనా తప్పు చేసి ఉంటే మొదటి వారంలో హోస్ట్ నాగార్జున వాటిని ఎత్తి చూపే ప్రయత్నం చేసి రెండో వారంలో కూడా అవే తప్పులు చేస్తే బయటకు పంపించే ప్రయత్నం చేస్తే బావుండేదని పరుచూరి అభిప్రాయపడ్డారు.
బిగ్ బాస్ షోలో తొలివారం హేమ ఎలిమినేట్ అవ్వగా, రెండో వారం జర్నలిస్ట్ జాఫర్ ఔట్ అయిన సంగతి తెలిసిందే. ఈ వారం ఎలిమినేషన్లో బాబా భాస్కర్, పునర్నవి, వితిక, రాహుల్ సిప్లిగంజ్, తమన్నా సింహాద్రి ఉన్నారు. ఈ ఐదుగురిలో ఒకరు ఈ వారం ఇంటి నుంచి బయటకు రాబోతున్నారు.