పవన్ ఇమేజ్‌‌‌కు దెబ్బ.. రేణుదేశాయ్ వివాదాస్పద వ్యాఖ్యలు.. మండిపడుతున్న మెగాఫ్యాన్స్‌

ఎన్టీఆర్‌పై రేణు హాట్ కామెంట్స్

ఓ ప్రముఖ టెలివిజన్ చానెల్లో ప్రసారం అవుతున్న నీతోనే డ్యాన్స్ షోలో రేణుదేశాయ్ జడ్జీగా వ్యవహరిస్తున్న సంగతి తెలిసిందే. ఇటీవల ప్రసారమైన ఓ ఎపిసోడ్‌లో ఓ సెలబ్రిటీ జంట యంగ్ టైగర్ ఎన్టీఆర్ పాటకు డ్యాన్స్ చేసింది. ఆ పాటపై డ్యాన్స్ చేసిన జంటపై ప్రశంసలు కురిపించడానికి ముందు ఎన్టీఆర్‌పై చేసిన కామెంట్లు హాట్ టాపిక్‌గా మారాయి.

ఆ డైలాగ్స్ చెప్పాలంటే ఎన్టీఆరే..

తెలుగు సినిమా పరిశ్రమలో సీనియర్ ఎన్టీఆర్ తర్వాత గొప్పగా పౌరాణిక డైలాగ్స్ చెప్పాలంటే అది యంగ్ టైగర్ ఎన్టీఆర్‌కే సాధ్యం. డైలాగ్ కొట్టాలంటే ఆయన తర్వాతే ఎవరైనా అని రేణుదేశాయ్ తన అభిప్రాయాన్ని చెప్పారు.

తారక్ గొప్ప డ్యాన్సర్

అలాగే డాన్సులను కూడా ఎన్టీఆర్ ఇరుగదీస్తాడు. తారక్ గొప్ప డ్యాన్సర్. ఎలాంటి స్టెప్పులనైనా ఎన్టీఆర్ చాలా సులభంగా చేస్తారు అని రేణు దేశాయ్ అనడం సినీ వర్గాల్లో చర్చనీయాంశమైంది.

ఎన్టీఆర్ మాదిరిగా గట్స్

దేవుడు ప్రత్యక్షమై ఏం కావాలని కోరుకోమంటే.. బన్నీ, ఎన్టీఆర్, రాంచరణ్ మాదిరిగా డ్యాన్స్ చేసే సత్తా ఇశ్వాలని కోరుకొంటాను. జూనియర్ ఎన్టీఆర్ మాదిరిగా డ్యాన్స్ చేయాలంటే చాలా గట్స్ కావాలి అంటూ రేణు వ్యాఖ్యలు చేశారు.

సంతోషంలో నందమూరి ఫ్యాన్స్

రేణుదేశాయ్ వ్యాఖ్యలు ఎన్టీఆర్ ఫ్యాన్స్‌ను సంతోషంలో ముంచెత్తాయి. అయితే ఈ వ్యాఖ్యలు పవన్ అభిమానులను కొంత ఇబ్బందికి గురిచేస్తున్నాయి. ఏమిటీ ఈమె నందమూరి హీరోలను ఆకాశానికి ఎత్తేయడం ఏమిటీ అనే ప్రశ్నిస్తున్నారు.

ఆగ్రహంతో మెగా ఫ్యాన్స్

మెగా ఫ్యాన్స్‌లోని ఓ వర్గం మాత్రం కోపంతో రగిలిపోతున్నది. ప్రోగ్రాం రేటింగ్స్ కోసమే ఈ జిమిక్కులంటూ సెటైర్లు పడిపోతున్నాయి. అయితే మెగా అభిమానులు ఆగ్రహంగా ఉండటం ఎక్కడికి దారితీస్తుందో వేచి చూడాల్సిందే..