twitter
    For Quick Alerts
    ALLOW NOTIFICATIONS  
    For Daily Alerts

    బుల్లితెరపై ‘వకీల్ సాబ్’ సందడి: అసలైన పండుగ అంటూ డేట్ ప్రకటించిన ఛానెల్

    |

    దాదాపు మూడేళ్ల విరామం తర్వాత పవర్ స్టార్ పవన్ కల్యాణ్ నటించిన చిత్రం 'వకీల్ సాబ్'. ఈ చిత్రం ద్వారానే ఆయన రీఎంట్రీ ఇచ్చిన విషయం తెలిసిందే. వేణు శ్రీరామ్ తెరకెక్కించిన ఈ మూవీ గత ఏప్రిల్‌లో ప్రేక్షకుల ముందుకు వచ్చింది. అనుకున్నట్లుగానే దీనికి ఫ్యాన్స్‌తో పాటు ఫ్యామిలీ ఆడియెన్స్ నుంచి భారీ స్థాయిలో రెస్పాన్స్ వచ్చింది. ఫలితంగా దీనికి సూపర్ హిట్ టాక్ దక్కింది. అయితే, టికెట్ రేట్ల పెంపు, కరోనా ప్రభావం కారణంగా ఈ సినిమా థియేటర్లలో ఎంతో కాలం ఆడలేదు. ఈ నేపథ్యంలో ఇప్పుడు బుల్లితెరపై సందడి చేయడానికి వకీల్ సాబ్ రెడీ అయిపోయాడు.

    పవన్ కల్యాణ్ నటించిన 'వకీల్ సాబ్' మూవీ బుల్లితెరపై ప్రసారం కాబోతున్నట్లు జీ తెలుగు ఛానెల్‌ కొద్ది రోజుల క్రితమే ప్రకటించిన విషయం తెలిసిందే. ఇక, ఇప్పుడు ఈ సినిమా జూలై 18న సాయంత్రం ఆరు గంటలకు ప్రసారం అవబోతుందని సదరు ఛానెల్ అధికారికంగా ప్రకటించింది. ఈ మేరకు ఆ సంస్థ సోషల్ మీడియా ఖాతాల్లో 'తెలుగు రాష్ట్రాల టెలివిజన్‌లలో అతి పెద్ద పండుగకు సమయం ఆసన్నమైంది' అని పోస్ట్ చేసింది. అంతేకాదు, ఈ సినిమాకు సంబంధించిన ఓ ప్రోమోను కూడా విడుదల చేశారు. దీనికి ఫ్యాన్స్‌ నుంచి ఓ రేంజ్‌లో స్పందన వస్తోంది.

     Pawan Kalyans Vakeel Saab World Television Premiere on July 18th

    ఎంతో ప్రతిష్టాత్మకంగా రూపొందిన 'వకీల్ సాబ్' మూవీ.. బాలీవుడ్ హిట్ చిత్రం 'పింక్'కు రీమేక్‌గా వచ్చిన విషయం తెలిసిందే. ఓ కేసులో చిక్కుకున్న ముగ్గురు యువతులను రక్షించే లాయర్‌గా ఇందులో పవన్ కల్యాణ్ నటించాడు. దీన్ని తెలుగు నేటివిటీకి, పవన్ బాడీ లాంగ్వేజ్‌కు అనుగుణంగా తెరకెక్కించడంలో వేణు శ్రీరామ్ సక్సెస్ అయ్యాడు. ఇక, ఈ సినిమాను బోనీ కపూర్ సమర్పణలో దిల్ రాజు నిర్మించాడు. శృతి హాసన్ హీరోయిన్‌గా నటించగా.. అంజలి, నివేదా థామస్, అనన్య నాగళ్ల కీలక పాత్రలు పోషించారు. థమన్ ఈ చిత్రానికి హై ఓల్టేజ్ మ్యూజిక్ అందించాడు.

     Pawan Kalyans Vakeel Saab World Television Premiere on July 18th

    English summary
    Tollywood Top Hero Power Star Pawan Kalyan Recent Film is Vakeel Saab. This Movie World Television Premiere on ZEE Telugu in July 18th.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X