Don't Miss!
- Finance Stock Market: యూఎస్ మార్కెట్ల దారిలో ఇండియన్ మార్కెట్లు.. లాభాల్లోనే ప్రయాణం..
- News చంద్రబాబు పై చర్యలకు ఈసీకి సీఈవో సిఫార్సు..!!
- Sports Sachin Tendulkar: కన్నీటిని ఆపుకుంటూ సెంచరీ!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బిత్తిరి సత్తికి కరోనా పాజిటివ్.. మా టీవీని వణికిస్తున్న కమెడియన్.. యాంకర్ ప్రదీప్తో సహా..
ప్రముఖ యాంకర్, నటుడు, కమెడియన్ బిత్తిరి సత్తి కరోనావైరస్ బారిన పడ్డారు. ఇటీవల అస్వస్థతకు గురైన ఆయన కోవిడ్ 19 పరీక్షలు చేయించుకోగా కరోనావైరస్ పాజిటివ్ అని తేలింది. దీంతో ఆయన క్వారంటైన్లోకి వెళ్లిపోయారు. తనకు కరోనా సోకిన విషయాన్ని వెల్లడిస్తూ తన ఆరోగ్య పరిస్థితిని తెలిపారు. బిత్తిరి సత్తి చెప్పిన విషయాల ప్రకారం..
కొద్దిరోజులుగా జ్వరం, తలనొప్పి
గత కొద్దిరోజులుగా జ్వరం, తలనొప్పి, ఒంటి నొప్పులతో బాధపడుతున్నాను. ఎందుకైనా మంచిదనే విషయంతో కరోనా పరీక్షలు చేయించుకొన్నాను. కరోనా టెస్టుల ప్రకారం కరోనా పాజిటివ్ అని తేలింది. ప్రస్తుతం స్వీయ గృహ నిర్బంధంలో ఉన్నాను. నాకు కరోనా విషయమని తేలడంతో కుటుంబ సభ్యులు ఆందోళనకు లోనయ్యారు. అయితే కరోనా వ్యాధికి భయపడకూడదని వారికి ధైర్యం చెప్పాను అని బిత్తిరి సత్తి తెలిపారు.
సాక్షిలో గరం గరం వార్తలతో
అయితే బిత్తిరి సత్తి ఇటీవల సాక్షి టెలివిజన్లో చేరారు. గరం గరం వార్తలు పేరుతో ఓ షో చేస్తున్నారు. కేవలం బిత్తిరి సత్తికే కాకుండా ఆ టీమ్లోని కీలక వ్యక్తులకు కూడా కరోనా సోకింది. దాంతో వారందరూ సెల్ఫ్ క్వారంటైన్లోకి వెళ్లిపోయారు. ప్రస్తుతం సాక్షిసంస్థలో ఇప్పుడు కరోనా వ్యాధి వ్యాప్తి అత్యంత చర్చనీయాశమవుతున్నది.
పలువురు ప్రముఖులతో ముఖాముఖి
ఇటీవల వంగపండు ప్రసాదరావు మరణించిన నేపథ్యంలో ప్రముఖు నటుడు, నిర్మాత, దర్శకుడు ఆర్ నారాయణమూర్తితో బిత్తిరి సత్తి ముఖాముఖి నిర్వహించారు. అలా పలువురిని కొన్ని ఎపిసోడ్స్లో కలిసి కార్యక్రమాలను చేశారు. ఈ క్రమంలో వారందరిలో గుబులు పెరిగినట్టు తెలుస్తున్నది.
మా టీవీ ఫంక్షన్కు బిత్తిరి సత్తి
ఇక కరోనా సోకిన విషయంతో మా టెలివిజన్లో భయాందోళనలు మొదలయ్యాయి. ఇటీవల మా టెలివిజన్లో జరిగిన ఓ ఫంక్షన్కు బిత్తిరి సత్తి హాజరయ్యారు. ఆయనతోపాటు ప్రదీప్ లాంటి యాంకర్లు, ఇతర సినీ, టెలివిజన్ ప్రముఖులు హాజరయ్యారు. ఈ నేపథ్యంలో ఆ వేడుకకు హాజరైన వారంతా కరోనా భయాలతో ఉన్నట్టు సమాచారం.
Recommended Video
బిత్తిరి సత్తిని కలిసిన వారంతా కూడా
ఇటీవల కాలంలో బిత్తిరి సత్తిని కలిసిన వారంతా కరోనావ్యాధికి సంబంధించిన పరీక్షలు చేయించుకొంటున్నట్టు సమాచారం. అయితే బిత్తిరి సత్తిని ఇటీవల ఎవరెవరూ కలిసి ఉంటారనే విషయం అత్యంత ఆసక్తిగా మారింది. ఇటీవల కాలంలో బిత్తిరి సత్తిని కలిసిన వారిని పరీక్షలు చేయించుకోవాల్సిందిగా సన్నిహితులు కోరుతున్నారు.