Bigg Boss Telugu 6: బిగ్​బాస్​ షోపై రివ్యూలతో పాపులర్​.. ఇప్పుడు అదే హౌజ్​లోకి చిత్తూరు చిరుత

చిత్తూరు యాసకు ఫిదా..

ఏ బిగ్​బాస్​ షోకు రివ్యూలు చేసిందో అదే బిగ్​బాస్​ హౌజ్​లో కాలు మోపనుంది సోషల్​ మీడియా ఇన్​ఫ్లూయెన్సర్​ గీతూ రాయల్​. గలాటా గీతూ అని ఇన్​స్టాగ్రామ్ వేదికగా బిగ్​బాస్​ షోపై రివ్యూ వీడియో చేసి మోస్ట్​ పాపులర్​ అయింది గీతు రాయల్​. ఆమె మాట్లాడే చిత్తూరు స్లాంగ్​కు నెటిజన్లంతా ఫిదా అయ్యారు. ఇక ఈ మధ్యనే ఈటీవీ జబర్దస్త్​ షోతో మరింత పాపులారిటీ తెచ్చుకుంది.

నాలుగేళ్ల వయసులో..

ఇక గీతూ రాయల్​ పర్సనల్ లైఫ్​లోకి వస్తే.. చిత్తూరులో ఆగస్టు 27, 1997లో పుట్టింది గీతూ రాయల్. ఆమె తండ్రి శేఖర్ కోవూరి కాగా తల్లి సుధారాజ్యం. గీతుకు ఒక సోదరుడు హర్ష తేజ ఉన్నాడు. గీతు నాలుగేళ్ల వయసులో తన తండ్రికి వ్యాపారంలో నష్టం వచ్చేసరికి ఆమె తల్లి ఉద్యోగం చేయాల్సి వచ్చింది.

టిక్​టాక్ వీడియోలతో..

దీంతో ఆమె కుటుంబం నంద్యాలకు మారాల్సి వచ్చింది. నంద్యాలలోని నారాయణ జూనియర్ కాలేజ్ ఇంటర్ చేసి బెంగళూర్​కు వెళ్లి గ్రాడ్యుయేషన్​ పూర్తి చేసింది గీతూ రాయల్. చదువు పూర్తయిన తర్వాత కొన్నేళ్లు అమెజాన్​లో పని చేసింది. తర్వాత కల్చరల్​ యాక్టివిటీస్​లో పాల్గొంటూ టిక్​టాక్​లో వీడియోలు చేసింది. అందులో మోటివేషనల్​ డైలాగ్స్​ చెబుతూ చాలా పాపులర్​ అయింది. ​

ఒక్క రోజులో 50 వేల మంది ఫాలోవర్స్​..

తన చిత్తూరు యాసలో చేసిన ఓ మోటివేషన్​ కొటేషనల్​ వీడియోతో ఒక్క రోజులో 50, 000 మంది ఫాలోవర్స్​ సొంతం చేసుకుని రికార్డు క్రియేట్ చేసింది గీతు. అలా కేవలం నెల వ్యవధిలో సుమారు 5 లక్షల 50 వేల ఫాలోవర్లను కలిగింది. తర్వాత టిక్​టాక్ నిషేధంతో ఇన్​స్టాలో వీడియోస్ చేయడం, అవి నెటిజన్లకు బాగా నచ్చడంతో విపరీతమైన ఫాలోయింగ్ పెరిగిపోయింది.

ఆర్జేగా అవకాశం..

మోటివేషనల్ వీడియోస్​తోపాటు గలాటా గీతూ రాయల్​ అనే యూట్యూబ్ ఛానెల్​ ద్వారా బిగ్​బాస్​పై రివ్యూలు చేయడం ప్రారంభించింది. తర్వాత గీతూకు 2018లో హైదరాబాద్​ రేడియో సిటీలో ఆర్జేగా అవకాశం వచ్చింది. అక్కడ కూడా బిగ్​బాస్​పై సమీక్షలు చేసింది.

ఫైనల్​గా బిగ్​బాస్​ హౌజ్​లోకి..

ఆ తర్వాత జబర్ధస్త్​లో ఎంట్రీ ఇచ్చింది. రోహిణి టీమ్​లో గీతూ చేసిన పర్ఫామెన్స్ చూసి అలాగే చేసే అవకాశం వచ్చింది. ఈ ఫేమ్​ ప్రస్తుతం బిగ్​బాస్​ 6తెలుగులో అడుగు పెట్టే అవకాశాన్ని తీసుకొచ్చింది.