బిగ్ అనౌన్స్‌మెంట్.. ప్రభాస్ 21 ఫిక్స్.. డైరెక్టర్ ఎవరంటే..?

Recommended Video

Prabhas 21 : Nag Ashwin To Direct Prabhas | Vyjayanthi Movies

ప్రస్తుతం ఓ డియర్‌ అంటూ..

బాహుబలి, సాహో చిత్రాలతో ప్రభాస్ ఇమేజ్ ఏ రేంజ్‌లో పెరిగిందో ప్రత్యేకంగా చెప్పనక్కర్లేదు. కేవలం ప్రభాస్ మ్యానియాతోనే బాక్సాఫీస్ వద్ద రూ. 300కోట్ల మేర వసూళ్లు వచ్చాయంటేనే డార్లింగ్ రేంజ్ ఏ పాటిదో అర్థం చేసుకోవచ్చు. అలాంటి ప్రభాస్ ఓ విభిన్న ప్రేమ కథా చిత్రాన్ని చేస్తున్నాడు. అయితే కొన్ని కారణాల వల్ల ఈ మూవీ వాయిదా పడుతూ వస్తోంది.

తాజాగా కొత్త షెడ్యూల్..

తాజాగా హైద్రాబాద్‌లోనే ఓ సెట్ వేసి షూటింగ్ ప్రారంభించారు. అయితే ఎంతో అట్టహాసంగా మొదలు పెట్టిన ఈ మూడో షెడ్యూల్‌కు ఆదిలోని కష్టాలు మొదలయ్యాయి. అన్నపూర్ణలో భారీ సెట్ వేసి అంతా రంగం సిద్దం చేయగా.. అనారోగ్య కారణాల వల్ల పూజా హెగ్డే షూటింగ్‌కు డుమ్మా కొట్టింది. ఇక చేసేదేమీ లేక కొన్ని సీన్స్ అలాగే తెరకెక్కించారని టాక్.

తాజాగా కొత్త అప్‌డేట్..

అయితే డార్లింగ్ ఫ్యాన్స్ మాత్రం ప్రభాస్ 20వ చిత్రంపై, యూవీ నిర్మాణ సంస్థపై గుస్సా అవుతున్నారు. ఏ చిన్న అప్‌డేట్ కూడా ఇవ్వడం లేదని, ప్రభాస్ చిత్రాన్ని నాశనం చేస్తున్నారని ఫ్యాన్స్ తెగ ఫీలైపోతున్నారు. ఈ మూవీకి సంబంధించి ఒక్క అప్‌డేటైనా ఇవ్వండంటూ.. అభిమానులు ప్రాధేయపడుతున్నారు.

నాగ్ అశ్విన్ దర్శకత్వంలో..

ఇలాంటి తరుణంలో ప్రభాస్ తదుపరి చిత్రం గురించి ఓ అప్‌డేట్ వచ్చింది. మహానటి సినిమాతో అటు దర్శకుడిగా నాగ్ అశ్విన్, ఇటు నిర్మాణ సంస్థగా వైజయంతీ మూవీస్‌కు మంచి పేరు వచ్చింది. మహానటి తరువాత మరో ప్రాజెక్ట్ తెరకెక్కించని నాగ్ అశ్విన్ ప్రభాస్‌తో ఓ సినిమా చేయనున్నట్లు వైజయంతీ సంస్థ ప్రకటించింది.