వీడియో: ఆ ఛాన్స్ కోసం ఎదురు చూస్తున్నావ్: రాహుల్‌తో పునర్నవి డబుల్ మీనింగ్ కామెంట్స్

డేటింగ్ సంభాషణతో మొదలు

రెండు వారాల క్రితం జరిగిన ఓ ఎపిసోడ్‌లో రాహుల్, పునర్నవి, వరుణ్ సందేశ్ మధ్య సరదా సంభాషణ జరిగింది. ఆ సమయంలో రాహుల్.. పునర్నవిని నీతో డేటింగ్ చేయాలంటే ఏం చేయాలి..? అని అడిగాడు. దానికి సమాధానంగా నేను ఖాళీగా ఉన్నానా లేదా అన్నది తెలుసుకోవా అని పునర్నవి అన్నది. అప్పుడు రాహుల్ నువ్వు డేట్‌లో ఉన్నావా అనగానే ఆమె అవును అని చెప్పింది. అప్పటి నుంచి వీళ్ల పులిహోర కహానీ మొదలైంది.

నాగార్జున ప్రస్తావించడంతో హైలైట్

ఓ శనివారం నాగార్జున దీనిపై మాట్లాడాడు. ఆయన చేతిలో ఉండే కోతి.. ఈ మధ్య అతడు డేటింగ్ గురించి మాట్లాడుతున్నాడు బాస్ అంటూ అనగానే అందరూ రాహుల్ వైపు చూశాడు. అప్పుడు రాహుల్ ఏదో సమాధానం చెబుతుండగా.. నాగ్ కలుగజేసుకుని నువ్వు సేఫ్ అయ్యావ్ అని చెప్పడంతో దానికి పుల్‌స్టాప్ పడిపోయింది. కానీ, ఆ తర్వాతి నుంచి ప్రేక్షకుల్లో ఈ జంటపై రూమర్లు ఎక్కువై పోయాయి. దీనికి తగ్గట్లే వాళ్లు కూడా ప్రవర్తిస్తున్నారు.

నీకు ప్రపోజ్ చేయాలంటే ఎలా..?

నాలుగు రోజుల క్రితం బిగ్ బాస్ బజ్ నుంచి మరో వీడియో వచ్చింది. ఇందులో రాహుల్ - పునర్నవి మధ్య జరిగిన చర్చను చూపించారు. ‘బిగ్ బాస్‌లో నుంచి బయటకు వెళ్లిన తర్వాత సడెన్‌గా కలిసి రింగ్ ఇచ్చి ప్రపోజ్ చేసినంటే ఏం చేస్తావ్' అని రాహుల్ ప్రశ్నించాడు. దానికి పునర్నవి ‘ఫస్ట్ నేనేంటో తెలుసుకో' అని సమాధానం ఇచ్చింది. అప్పుడు రాహుల్ ‘నేనడిగిన దానికి ఆన్సర్ చెప్పు. మజాక్ ఆడుతున్నా.. సీరియస్‌గా తీసుకోకు' అన్నాడు. దీనికి పునర్నవి ‘పో.. పోయి పని చూసుకో అంటా' అంది.

హ్యాపీ రక్షాబంధన్.. రాహుల్‌కు తప్ప

ఆ తర్వాత పునర్నవి లవ్ ట్రాక్‌కు బలం చేకూర్చే విధంగా స్టేట్‌మెంట్ ఇచ్చింది. ‘హౌస్ ఉన్న వాళ్లందరికీ రాఖీ శుభాకాంక్షలు ఒక్క రాహుల్‌కి తప్ప' అని అనగానే అందరూ గట్టిగా కేకలు వేశారు. దీంతో రాహుల్‌ ముఖంలో గర్వం కనిపించగా.. అందరూ నవ్వుకున్నారు. ఇప్పటికే డేటింగ్.. లవ్ సంభాషణలతో ఈ జంట చర్చనీయాంశం అవ్వగా.. ఇప్పుడు మాత్రం వీళ్ల గురించి బయటకు రావడంతో నెటిజన్లు విపరీతంగా ట్రోల్ చేస్తున్నారు.

ఇప్పుడేమో ఛాన్స్ కోసం ఎదురు చూస్తున్నావ్ అంటూ...

ఇక, తాజాగా స్టార్ మా ఓ అన్ సీన్ వీడియోను విడుదల చేసింది. అందులో రాహుల్ - పునర్నవి మధ్య జరిగిన సంభాషణను చూపించారు. ఇందులో భాగంగా.. రాహుల్.. పునర్నవిని సాంబార్ వేసుకో అని వేయబోతాడు. దానికి పునర్నవి ‘నువ్వు అంతగా ఆవేశ పడకు రాహుల్. నేను వేసుకుంటాను. చిరాకు పడమంటావా నన్ను. నేనలా చేస్తే నీకు ఛాన్స్ దొరకుతుంది కదా. దాని కోసమే నువ్వు ఎదురు చూస్తున్నావ్' అంటూ చేసిన కామెంట్స్ చర్చనీయాంశం అవుతున్నాయి. దీంతో ఈ వీడియో వైరల్ అవుతోంది.