అక్కడా వదలడం లేదు.. మోనాల్‌తో యశ్, రఘు మాస్టర్‌ల రొమాన్స్ వైరల్

డ్యాన్స్ ప్లస్ అంటూ..

అలా బిగ్ బాస్ షో నుంచి బయటకు వచ్చిందో లేదో.. ఇలా డ్యాన్స్ ప్లస్ షోలో ఆఫర్ పట్టేసింది. చూస్తుంటే అక్కడ కూడా మోనాల్‌ను గ్లామర్ కోసమే తీసుకున్నట్టు కనిపిస్తోంది. ఎక్స్ పోజింగ్ చేసేలా ఎద అందాలు కనిపించేలా హాట్ హాట్ డ్రెస్సులతో గ్లామర్ డోస్ పెంచేస్తోంది.

తాజాగా అలా..

డ్యాన్స్ ప్లస్ షోకు సంబంధించిన ప్రోమో తాజాగా బయటకు వచ్చింది. ఇందులో ఓ కంటెస్టెంట్ రఘు మాస్టర్ కొరియోగ్రఫీ చేసిన పాటకు డ్యాన్స్ చేశారు. ఆర్య 2 సినిమాలోని ఉప్పెనంత ప్రేమకు అనే పాటకు రఘు మాస్టర్ అదిరిపోయేలా కొరియోగ్రఫీ చేసిన సంగతి తెలిసిందే. అదే విషయాన్ని తాజాగా గుర్తుకు చేశారు.

అలా ఎవ్వరూ చేయలేరు..

ఆ పాటకు తాను పెద్ద ఫేవరేట్ అని యశ్ మాస్టర్ చెప్పుకొచ్చాడు. అలా ఇంత వరకు మళ్లీ ఎవ్వరూ చేయలేరు.. అలాంటిది మళ్లీ రాదు అంటూ యశ్ చెప్పుకొచ్చాడు. ఆ తరువాత యశ్, రఘు మాస్టర్ ఇద్దరూ కూడా మోనాల్‌తో స్టేజ్ మీద డ్యాన్స్ చేశారు. అయితే రఘు మాస్టర్‌ని పిలిస్తే యశ్ మాస్టర్ ఎందుకు వెళ్లారంటూ యానీ మాస్టర్ కౌంటర్ వేసింది.

భార్య దగ్గర బుక్..

మోనాల్‌తో రఘు మాస్టర్, యశ్ మాస్టర్ డ్యాన్స్ చేస్తుండగా.. యశ్ సతీమణి వచ్చింది. దీంతో దెబ్బకు షాక్ అయ్యారు. అందరూ కలిసి యశ్‌ను ఇరికించే ప్రయత్నం చేశారు. పింక్ గిటార్‌పై యశ్ దృష్టి పడిందని బాబా భాస్కర్ కౌంటర్ వేశాడు. ఈ గ్రీన్ గిటార్ నచ్చలేదా? అని యశ్ భార్య ఫీలైంది. పప్పు పప్పే.. బిర్యానీ బిర్యానీయే అంటూ మోనాల్‌ను ఉద్దేశించి యానీ మాస్టర్ కౌంటర్ వేశాడు.

నాకేం సంబంధం లేదు..

యశ్ భార్య రావడంతోనే మోనాల్ పక్కకి వెళ్లింది. నాకేం సంబంధం లేదంటూ సైడైపోయింది. నాకేం సంబంధం లేదు.. మీది మీరు చూసుకోండి.. అంటూ యశ్‌పై మోనాల్ కౌంటర్ వేసింది. మొత్తానికి డ్యాన్స్ ప్లస్‌లోనూ మోనాల్ తన గ్లామర్‌తోనూ రచ్చ చేస్తోంది.