Don't Miss!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
మళ్లీ గొడవలేనా?.. రాహుల్ కౌశల్ మధ్య ముమైత్ ఖాన్ రచ్చ.. టాస్క్ల గోల!
బిగ్ బాస్ షో అంటే టాస్కులు.. టాస్కుల్లో గొడవలు ఉండాల్సిందే. ఆ టాస్క్లో జరిగే గొడవలను బిగ్ బాస్ టీం మరింత హైలెట్ చేస్తుంటుంది. వాటితో టీఆర్పీ రేటింగ్లు దండుకుంటుంది. అయితే బిగ్ బాస్ ఉత్సవం అంటూ చేసిన ఈ రీయూనియన్లోనూ మళ్లీ టాస్కులుపెట్టి.. గ్రూపులుగా విడగొట్టి గొడవలు పెట్టేట్టున్నారు. గత వారం వచ్చిన బిగ్ బాస్ ఉత్సవం ఎంతగా క్లిక్ అయిందో అందరికీ తెలిసిందే. నేటి సాయంత్రం ఆరు గంటలకు పార్ట్ 2 కూడా రాబోతోంది.
బిగ్ బాస్ ఉత్సవం అంటూ..
బిగ్ బాస్ నాలుగు సీజన్ల కంటెస్టెంట్లను మళ్లీ ప్రేక్షకుల ముందుకు తీసుకొచ్చేందుకు ఉత్సవం పేరిట ఓ ప్లాన్ వేశారు. అందులో భాగంగా నాల్గో సీజన్ కంటెస్టెంట్లతో ఓ షో, మిగిలిన మూడు సీజన్లను రీ యూనియన్ పేరిట మరో షోను ప్లాన్ చేశారు. ఇందులో మొదటి పార్ట్ గత ఆదివారం ప్రసారమైంది.
రీయూనియన్ అంటూ రచ్చ..
నేటి సాయంత్రం మూడు సీజన్ల కంటెస్టెంట్లు ఒకే చోట చేరి రచ్చ చేయనున్నారు. ఈ క్రమంలో మూడు సీజన్ల కంటెస్టెంట్ల మధ్య మళ్లీ టాస్కులు పెట్టారు. మరీ ముఖ్యంగా మూడు సీజన్ల విన్నర్ల మధ్య ఓ పోటీ పెట్టారు. ఇందులో ఎవరు గెలుస్తారో చూడాలి.
టాస్క్లతో గొడవ..
తాజాగా మరో ప్రోమోను వదిలారు. ఇందులో రాహుల్, కౌశల్ టాస్కుల కోసం వాగ్వాదానికి దిగినట్టు కనిపిస్తోంది. చెరుకు రసం తీసే టాస్క్లో రోహిణి తప్పు చేసిందని రాహుల్ నిందించడం, వాటికి మద్దతుగా కౌశల్ రావడం ప్రోమోలో కనిపిస్తోంది.
మధ్యలో ముమైత్ ఖాన్..
టాస్కుల్లో చేసిన తప్పులను ఎత్తిచూపుతు రాహుల్, కౌశల్లు ఒకరినొకరు దూషించుకున్నారు. మధ్యలో ముమైత్ ఖాన్ వచ్చి ఇద్దరికి సర్దిచెప్పేందుకు ప్రయత్నించింది. ఈ టాస్కులను మీరు చాలా సీరియస్గా తీసుకుంటున్నారంటూ కౌంటర్ వేసింది. మొత్తానికి ఇలా ఉత్సవం పేరిట కూడా టాస్కులు, గొడవలు ఏంటో అని నెటిజన్లు కామెంట్లు చేస్తున్నారు.
బిగ్ బాస్ కంటెస్టెంట్లను అలా..
ప్రస్తుతం స్టార్ మాలో బిగ్ బాస్ కంటెస్టెంట్లను బాగానే వాడేస్తున్నారు. అన్ని ఎంటర్టైన్మెంట్ షోల్లోనూ బిగ్ బాస్ కంటెస్టెంట్లు రచ్చ చేస్తున్నారు. స్టార్ట్ మ్యూజిక్, డ్యాన్స్ ప్లస్, కామెడీ స్టార్స్ ఇలా అన్నింట్లోనూ బిగ్ బాస్ సభ్యులు దుమ్ములేపుతున్నారు.