ఆ ముగ్గురు లేకపోతే లోకమే లేదు.. ఆ పని మాత్రం కచ్చితంగా చేస్తా.. రాహుల్ సిప్లిగంజ్ కామెంట్స్

పునర్నవితో హల్చల్..

బిగ్‌బాస్ హౌస్‌లో ఉన్నంత వరకు పునర్నవితో హల్చల్ చేసిన రాహుల్ సిప్లిగంజ్.. బయట కూడా అదే రేంజ్‌లో రచ్చ చేశారు. బయట పార్టీలు, ఇంటికి వెళ్లి కలుసుకోవడం, కలిసి లైవ్‌లోకి రావడం, ఏ ఇంటర్వ్యూలో చూసినా వీరిద్దరి మధ్య ఏముందనే ప్రశ్నలు రావడం ఇలా కొన్ని రోజుల పాటు అంతా సందడి సందడిగా సాగింది.

పబ్‌లో దాడి..

రాహుల్ సిప్లిగంజ్‌కు అమ్మాయిలతో పరిచయాలు, స్నేహాలు ఎక్కువే. ప్రతీ వీకెండ్ పబ్‌కు వెళ్లి దుమ్ములేపుతుంటాడు. ఆ క్రమంలో తన స్నేహితురాల్లతో పబ్‌కు వెళ్లిన రాహుల్‌పై కొందరు బీరు సీసాలతో దాడి చేశారు. ఈ మేరకు ఈ ఘటన రెండు తెలుగు రాష్ట్రాల్లో సెన్సేషన్ అయింది. ఈ ఘటనలో రాజకీయ నాయకులు ఎంట్రీ కావడంతో మరింత ముదిరింది. కేసులు నమోదు చేయడం వరకు వెళ్లిందీ వ్యవహారం.

ఆ ముగ్గురు లేకపోతే..

తాజాగా రాహుల్ సిప్లిగంజ్ మాట్లాడుతూ.. తన దృష్టిలో కటింగ్ చేసేవారు, బట్టలు కుట్టేవారు, బట్టలు ఉతికేవారు లేకపోతే లోకమే లేదని చెప్పుకొచ్చాడు. బార్బర్ అనేది ఓ కళ అని అందంగా తయారుచేయడం గొప్ప విషయమని అన్నాడు. అవతల వారికి నచ్చినట్టు తయారుచేయడం మామూలు విషయం కాదన్నాడు.

Recommended Video

Rahul Sipligunj Special Request To KTR | నమ్మి ఎన్నుకుంటే ఇలా చేస్తారా..!!

ఓ వృద్దాశ్రమం కట్టాలి..

తన జీవితంలో ఎప్పటికైనా ఓ వృద్దాశ్రమం కట్టాలని అనుకుంటున్నట్టు తెలిపాడు. లైఫ్‌లో బాగా సంపాదించిన తరువాత.. ఓ స్టేజ్ దాటాక ఇక చాలు అనిపిస్తుంది కదా అప్పుడు కచ్చితంగా ఓల్డేజ్ హోమ్ కట్టిస్తానని చెప్పుకొచ్చాడు. అయితే ఎంతమందితో మొదలు పెడతానో ఇప్పుడే చెప్పలేను గానీ కచ్చితంగా అది మాత్రం చేస్తానని అన్నాడు.