లేదంటూనే రొమాన్స్‌తో పిచ్చెక్కిస్తారు.. మోకాళ్లపై నిలబడి ప్రపోజ్.. అదరగొట్టిన రాహుల్-పునర్నవి

కేవలం స్నేహితులు..

బిగ్ బాస్ షో నుంచి బయటకు వచ్చిన పునర్నవి, రాహుల్‌పై రకరకాల వార్తలు పుట్టుకొచ్చాయి. రాహుల్ తల్లిదండ్రులు పెళ్లికి ఒప్పుకున్నారని, త్వరలోనే పెళ్లి కూడా చేసుకోబోతోన్నారని వార్తలు వచ్చాయి. పెళ్లి వార్తలపై రాహుల్, పునర్నవి స్పందిస్తూ.. తామిద్దరం కేవలం మంచి స్నేహితులమేనని క్లారిటీ ఇచ్చారు.

అడిగి చంపకండి..

ఆ మధ్య రాహుల్ తన ఫాలోవర్స్‌తో ముచ్చట్లు పెడుతున్న క్రమంలో.. పునర్నవికి సంబంధించిన ప్రశ్నలు అడుగుతుండటంతో అసహనం వ్యక్తం చేశాడు. అది షో అని, షోలో జరిగినట్టే బయట ఉండదని, ఎవరి జీవితాలు వారికే ఉంటాయని చెప్పుకొచ్చాడు. ఇకపై పునర్నవి గురించి అడిగి చంపకండని ఫైర్ అయ్యాడు.

తాజాగా ఈవెంట్‌లో..

తాజాగా 2020 అనుకున్నది ఒకటి అయినది ఒకటి ఈవెంట్‌లో రాహుల్ పునర్నవి దుమ్ములేపారు. ఈ ఈవెంట్ మొత్తం వీరిద్దరిపైనే రెడీ చేసినట్టు తెలుస్తోంది. పునర్నవిని లేపుకొచ్చానని, పెళ్లి చేయమని రాహుల్ చెప్పడం, హైపర్ ఆది పెళ్లి చేస్తానని మాటివ్వడం ఇది వరకు మనమంతా చూశాం.

పాటలతో రొమాన్స్..

రాహుల్ సిప్లిగంజ్ తన పాటలతో పునర్నవిని ఫ్లాట్ చేసేందుకు ట్రై చేసినట్టు కనిపిస్తోంది. బిగ్ బాస్ షోలోనూ పునర్నవి కోసం ఎంతో ఎమోషనల్ అవుతూ పాటలు పాడేవాడు. ఇక తాజా ఈవెంట్లోనూ రాహుల్ తన ఫీలింగ్ అంతా బయటపెట్టేశాడు. మోకాళ్లపై నిలబడి పాట పాడి మెప్పించాడు. వెన్నెలవే వెన్నెలవే అంటూ పునర్నవిని టచ్ చేసినట్టు కనిపిస్తోంది.

Recommended Video

Rahul Sipligunj New Look Shocks His Fans

రాహువు కాదు రాహుల్ ఉన్నాడట..

తన జీవితంలో రాహువు ఉన్నాడో లేదో చూసి చెప్పండని పునర్నవి రాకేట్ రాఘవను అడగ్గా.. రాహువు లేడు కానీ రాహుల్ ఉన్నాడని పంచ్ వేశాడు. ఇలా మొత్తానికి రాహుల్ పునర్నవి ఈ సారి పండగకి అందరికీ పిచ్చెక్కించేందుకు రెడీ అయ్యారు. వీరి రొమాన్స్‌కు టీఆర్పీ దద్దరిల్లిపోవాల్సిందే.