శ్రీముఖికి బాలీవుడ్ స్టార్ హీరో బిగ్ సర్‌ప్రైజ్: ఏ అమ్మాయికీ దక్కని అదృష్టం ఈమెదే మరి!

అలా పరిచయం.. ఇలా పాపులర్

బుల్లితెరపైకి ఎంట్రీ ఇవ్వడానికి ముందే శ్రీముఖి సినిమా నటిగా పరిచయం అయింది. 'జులాయి'తో నటిగా కెరీర్‌ను మొదలెట్టిన ఈ బ్యూటీ.. ఆ తర్వాత 'నేను శైలజ', 'జెంటిల్‌మెన్' వంటి చిత్రాల్లో కీలక పాత్రలు చేసి అందరి దృష్టిలో పడింది. ఆ తర్వాత 'ప్రేమ ఇష్క్ కాదల్', 'బాబు బాగా బిజీ' వంటి సినిమాల్లో హీరోయిన్‌గా చేసి ఒక్కసారిగా పాపులర్ అయిపోయింది.

యాంకర్‌గా హవా చూపిస్తోందిగా

వరుస సినిమాలతో సత్తా చాటుతోన్న సమయంలోనే శ్రీముఖి 'అదుర్స్' అనే షోతో యాంకర్‌గా ఎంట్రీ ఇచ్చింది. అప్పటి నుంచి తన సుదీర్ఘమైన కెరీర్‌లో ఆమె 'అదుర్స్ 2', 'మనీ మనీ', 'సూపర్ మామ్', 'సూపర్ సింగర్', 'జోలకటక', 'కామెడీ నైట్స్', 'బొమ్మ అదిరింది', 'పటాస్', 'సరిగమప' వంటి షోలను నడిపించి.. బెస్ట్ హోస్టుగా గుర్తింపు తెచ్చుకుంది.

షోలు, మూవీలు చేస్తూ బిజీగానే

తనకు గ్లామర్ రోల్స్ మాత్రమే ఆఫర్ చేస్తున్నారన్న కారణంతో శ్రీముఖి సినిమాలకు దూరమైంది. అయితే, ఇప్పుడు మాత్రం ఆమె వరుస సినిమాలతో బిజీ అయిపోయింది. కొద్ది రోజుల క్రితమే ఆమె 'క్రేజీ అంకుల్స్', నితిన్ 'మాస్ట్రో' అనే చిత్రాలతో ప్రేక్షకులను అలరించింది. అలాగే, ఇప్పుడు 'భోళా శంకర్' సహా ఎన్నో భారీ సినిమాల్లో నటిస్తూ, షోలు చేస్తూ బిజీగా మారింది.

అక్కడ మాత్రం శ్రీముఖి సందడి

వరుసగా సినిమాలు చేస్తూనే బుల్లితెపై షోలతో సందడి చేస్తూ ఫుల్ బిజీగా గడుపుతోన్న హాట్ యాంకర్ శ్రీముఖి సోషల్ మీడియాలో కూడా యమ యాక్టివ్‌గా ఉంటోంది. ఇందులో భాగంగా ప్రతిరోజూ ఏవో కొన్ని పోస్టులు చేస్తూనే ఉంటోంది. ఈ క్రమంలోనే తనకు, తన కెరీర్‌కు సంబంధించిన విషయాలు, విశేషాలను పంచుకుంటోంది. దీంతో ఆమె ఫాలోయింగ్ పెరుగుతూ ఉంది.

శ్రీముఖి బర్త్‌డే.. ఫుల్ ట్రెండింగ్

చాలా చిన్న వయసులోనే ఎనలేని క్రేజ్‌ను సొంతం చేసుకుని యాంకర్ కమ్ యాక్టర్ శ్రీముఖి తెలుగు రాష్ట్రాల్లో బిగ్ సెలెబ్రిటీగా వెలుగొందుతోంది. ప్రస్తుతం ఆమె కెరీర్ పరంగా ఫుల్ బిజీగా గడుపుతోంది. ఈ నేపథ్యంలోనే తాజాగా (మే 10) శ్రీముఖి తన 29వ పుట్టినరోజును జరుపుకుంది. దీంతో ఆమె పేరు ట్రెండ్ అయింది. అలాగే, ఎంతో మంది ఆమెకు శుభాకాంక్షలు తెలిపారు.

శ్రీముఖికి బాలీవుడ్ స్టార్ వీడియో

యాంకర్ శ్రీముఖి తెలుగు రాష్ట్రాల్లోనే పాపులారిటీని సొంతం చేసుకుంది. కానీ, ఇప్పుడు ఆమెకు ఏకంగా బాలీవుడ్‌కు చెందిన స్టార్ హీరో నుంచే ఓ వీడియో వచ్చింది. అవును.. ఈ విషయాన్ని స్వయంగా శ్రీముఖి తన ఇన్‌స్టాగ్రామ్ ఖాతా ద్వారా అందరికీ వెల్లడించింది. బాలీవుడ్ స్టార్ హీరో రణ్‌వీర్ సింగ్‌ ఆమె పుట్టినరోజు సందర్భంగా స్పెషల్ వీడియోను పంపి సర్‌ప్రైజ్ చేసేశాడు.

వీడియోలో అలా... శ్రీముఖి ఇలా

రణ్‌వీర్ సింగ్ వీడియోలో 'హల్లో శ్రీముఖి.. పుట్టినరోజు శుభాకాంక్షలు. ఈ ఏడాది నువ్వు మరింత వృద్ధి చెందాలని, నీ కెరీర్ ఉన్నత స్థాయికి వెళ్లాలని కోరుకుంటున్నా' అంటూ ఆమెకు శుభాకాంక్షలు తెలిపాడు. దీనిని శ్రీముఖి ఇన్‌స్టా స్టోరీలో షేర్ చేసింది. అంతేకాదు, 'ఓ మై గాడ్. ఇది నా రోజు. రణ్‌వీర్ సింగ్ ఐలవ్యూ' అంటూ పోస్ట్ చేసింది. దీంతో ఇది ట్రెండ్ అవుతోంది.