హోమ్

టెలివిజన్

పోలీసుల చెప్పిన వివరాల ప్రకారం...ఓ టీవీ సీరియల్ కు ఎగ్జిక్యూటివ్ ప్రొడ్యూసర్ గా పని చేస్తున్న వ్యక్తి తన బేనర్లో రూపొందుతున్న సీరియల్‌లో నటిస్తున్న 28 ఏళ్ల నటిపై అత్యాచారానికి పాల్పడ్డాడు. నెలన్నర క్రితం సంఘటన జరుగగా భయంతో ఇంతకాలం ఆమె పోలీసులను సంప్రదించలేదు. విషయం భర్తకు తెలియడంతో అతని సహాయంతో పోలీసులకు ఫిర్యాదు చేసింది.

ఎగ్జిక్యూటివ్ నిర్మాతపై పోలీసులు ఐపిసి సెక్షన్ 342, 376(మానభంగం) మరియు 506(2) (బెదిరింపులు) కింద కేసులు నమోదు చేసారు. బాధితురాలు ఫిర్యాదులోని వివరాల ప్రకారం...డిసెంబర్ 2న సాయంత్రం 6.30 గంటలకు ఎగ్జిక్యూటివ్ ప్రొడ్యూసర్ ఫోన్ చేసి 7.30 గంటలకు షూటింగ్ ఉందని చెప్పాడు. జోగేశ్వరి రైల్వే స్టేషన్‌కి వీలైనంత త్వరగా వస్తే బస్ ఆమెను పిక్ చేసుకుంటదని చెప్పాడు. ఆమె జోగేశ్వరి రైల్వే స్టేషన్ కి చేరే లోపే సదరు ఎగ్జిక్యూటివ్ ప్రొడ్యూసర్ ఆమెకు మూడు నుంచి నాలుగు సార్లు ఫోన్ చేసాడు. 7.45 గంటలకు ఆమె అక్కడి చేరుకుని బస్ కోసం ఎదురు చూస్తోంది. అక్కడ బస్ కనిపించక పోగా బైక్ పై వెయిట్ చేస్తూ కనిపించాడు ఎగ్జిక్యూటివ్ ప్రొడ్యూసర్. ఆమె ఆటో రిక్షాలో వస్తానని చెప్పినా....బైక్ పై రావాలంటూ బలవంతం చేసాడు. షూటింగ్ స్పాట్ వెళ్లాక మేకప్ రూం నెం.2కి వెళ్లమని చెప్పాడు. గ్రౌండ్ స్టాఫ్ పని కేటాయించి కొన్ని నిమిషాల తర్వాత మేకప్ రూంలోకి ఎంటరై ఆమెను రేప్ చేసాడు. ఆమె అరవబోగా నీ భర్తను, కూతురిని చంపేస్తానని బెదిరించాడు.

అయితే షూటింగును సూపర్ వైజింగ్ చేసే ప్రొడ్యూసర్ జమీల్ ఖాన్ మాత్రం అలాంటి సంఘటన ఏమీ జరుగలేదని, ఆమె చేస్తున్న ఆరోపణలు నిరాధారమైనవని చెప్పుకొచ్చారు. నిజంగా అలా జరిగి ఉంటే వారు వెంటనే పోలీసులను సంప్రదించే వారు. ఇంతకాలం తర్వాత ఫిర్యాదు చేయాల్సిన అవసరం ఏమిటని ప్రశ్నిస్తున్నాడు. ఆమె సంఘటన జరిగినట్లు చెబుతున్న సమయంలో షూటింగులోనే ఉంది, ఆమె షూటింగుకు హాజరైన సంతకం, తిరిగి వెళ్లిపోయిన సమయం తమ రికార్డుల్లో ఉన్నాయని చెప్పుకొచ్చారు. పబ్లిసిటీ కోసమే నటి, ఆమె భర్త ఇలాంటి ఆరోపణలు చేస్తున్నారని దుయ్యబట్టారు.