ఆ యాటిట్యూడే మార్చుకోవాలి.. అవి ఆటబొమ్మలు కావు.. నెటిజన్‌కు రష్మీ సూచన

సోషల్ మీడియాలో యాక్టివ్..

రష్మీ సోషల్ మీడియాలో ఎంత దూకుడుగా వ్యవహరిస్తుందో అందరికీ తెలిసిందే. నెగెటివ్ కామెంట్స్ చేసే వారిని అంతే స్థాయిలో విమర్శిస్తుంది. ఈ లాక్‌డౌన్ సమయంలో రష్మీ సోషల్ మీడియా వేదికగా చిన్న పాటి యుద్దమే చేసి ఉంటుంది.

పెంపుడు జంతువుల కోసం..

రష్మీకి పెట్స్ అంటే ఎంత ఇష్టమో ప్రత్యేకంగా చెప్పనక్కర్లేదు. మూడు నెలల లాక్ డౌన్ సమయంలో వాటి ఆకలి తీర్చేందుకు శాయశక్తులా కష్టపడింది. చేతిలో బకెట్ నిండా ఫుడ్ పట్టుకుని రోడ్లపై తిరిగింది. కనబడిన వీధి కుక్కలకు ఆహారాన్ని పంచింది. అటువంటి రష్మీ తాజాగా ఓ నెటిజన్‌కు కొన్ని సూచనలు చేసింది.

నెటిజన్ అభ్యర్థన..

ఓ నెటిజన్.. ‘నేను ఓ కుక్కను పెంచుకోవడం లేదా దత్తత తీసుకోవాలని అనుకుంటున్నాను. నా స్నేహితుడి పుట్టినరోజు కానుకగా ఇవ్వాలని అనుకుంటున్నాను. ఎవ్వరైనా ఎక్కడ లభిస్తాయో చెప్పగలరా? ఎలా కొనాలో వివరాలు చెబుతారా?' అంటూ పోస్ట్ చేశాడు.

Recommended Video

Anasuya Bharadwaj Likely To Out From Jabardasth Show

రష్మీ సూచనలు..

అలా నెటిజన్ అడగడంతో రష్మీ ఫైర్ అయింది. ఈ మేరకు స్పందిస్తూ.. ‘ఈ యాటిట్యూడ్ అందరూ మార్చుకోవాలి. జంతువులు ఆటబొమ్మలు కావు బహుమతిగా ఇవ్వడానికి. దాదాపు పదిహేనేళ్ల బంధానికి కమిట్‌మెంట్ అది. మెడికల్ ఖర్చులు, ప్రేమ, ఎమోషన్ అన్నింటినీ పెట్టుబడిగా పెట్టాలి. మీ ఫ్రెండ్ ఇవన్నీ భరించగలిగే స్థోమత ఉందో లేదో ఓసారి చెక్ చేసుకోండి. చాలా వాటిలో పెంపుడు జంతువులు ఇలానే రోడ్ల మీద వదిలేస్తున్నారు. అవి వారికి భారంగా మారుతున్నాయ'ని రష్మీ వాపోయింది.