మీ కోరిక తీరబోతుంది.. మేము త్వరలోనే కలుస్తున్నాం: సుధీర్‌తో రిలేషన్‌పై రష్మీ కీలక వ్యాఖ్యలు

వీళ్లిద్దరూ అలా ఫేమస్ అయిపోయారు

జబర్ధస్త్ షోకు యాంకర్‌గా వ్యవహరిస్తోంది రష్మీ గౌతమ్. అదే షోలో ఓ టీమ్‌ను లీడ్ చేస్తున్నాడు సుడిగాలి సుధీర్. వీరిద్దరి మధ్య లవ్ ట్రాక్ నడుస్తుందని గతంలో వార్తలు వచ్చాయి. దానికి తగ్గట్లుగానే ఏదో ఒక సమయంలో ఈ ఇద్దరూ రొమాంటిక్‌గా కనిపిస్తున్నారు. దీంతో రష్మీ - సుధీర్‌ను యూట్యూబ్ జోడీ అని పిలుస్తుంటారు. దీనికి కారణం వాళ్లిద్దరిపై అక్కడ వచ్చిన స్టోరీలే.

ఇద్దరే కాదు.. వాళ్లంతా క్లారిటీ ఇచ్చేశారు

రష్మీ గౌతమ్.. సుడిగాలి సుధీర్ మధ్య లవ్ ట్రాక్ నడుస్తుందని ఎప్పటి నుంచో వార్తలు వస్తున్నాయి. అంతేకాదు, చాలా సమయాల్లో దీనికి సంబంధించిన ప్రశ్నలను కూడా ఈ ఇద్దరూ ఎదుర్కొన్నారు. దీంతో వీళ్లు పలుమార్లు క్లారిటీ కూడా ఇచ్చారు. ఈ ఇద్దరితో పాటు వాళ్లకు అత్యంత సన్నిహితులుగా చెప్పుకునే వాళ్లు కూడా రష్మీ - సుధీర్ మధ్య ఏమీ లేదని క్లారిటీ ఇచ్చేశారు.

వాళ్లు కూడా బాగా క్యాష్ చేసుకుంటున్నారు

సుధీర్ - రష్మీకి ఉన్న క్రేజ్‌ను దృష్టిలో ఉంచుకుని చాలా మంది మేకర్స్ పలు రకాల ప్రయోగాలు చేస్తున్నారు. ఇందులో భాగంగానే ఓ ప్రత్యేక కార్యక్రమంలో ఈ ఇద్దరికీ వివాహం అయినట్లు చూపించారు. దానికి భారీ స్థాయిలో టీఆర్పీ రేటింగ్ రావడంతో... అలాంటివే చాలా షోలు చేసి క్యాష్ చేసుకున్నారు. అంతేకాదు, జబర్ధస్త్‌లోనూ ప్రత్యేకమైన ఎపిసోడ్స్ క్రియేట్ చేస్తున్నారు.

రష్మీ లేకపోతే.. నేను లేనన్న సుధీర్

కొద్ది రోజుల క్రితం జరిగిన ఓ షోలో సుధీర్.. రష్మీ గురించి చేసిన వ్యాఖ్యలు హాట్ టాపిక్ అయ్యాయి. ‘నిజానికి సుడిగాలి సుధీర్ ఫేమస్ అయ్యాడంటే దానికి కారణం రష్మీనే. అసలు ఆ అమ్మాయి లేకపోతే నేననే వాడిని ఎవరికీ తెలియదు. నా కెరీర్‌పై ఆమె ప్రభావం చాలా ఉంది' అని సుధీర్ చెప్పుకొచ్చాడు. అప్పుడే కాదు.. చాలా కార్యక్రమాల్లో ఇదే తరహా వ్యాఖ్యలు చేశాడు.

సుధీర్‌తో రిలేషన్‌పై రష్మీ కీలక వ్యాఖ్యలు

తాజాగా జరిగిన ఓ ఇంటర్వ్యూలో రష్మీ.. సుధీర్‌తో సినిమా చేసే విషయంపై మాట్లాడింది. ‘నేను, సుధీర్ సినిమా చేయాలని చాలా మంది కోరుతున్నారు. మా ఇద్దరి మీద ఎన్నో అంచనాలు ఉన్నాయి. కాబట్టి చక్కని స్క్రిప్ట్ కోసం చూస్తున్నాం. అన్ని కుదిరితే త్వరలోనే మేము కలుస్తాం. ఒత్తిడి వల్ల ఏది పడితే అది చేస్తే మా రిలేషన్ దెబ్బతింటుంది' అని ఆమె చెప్పుకొచ్చింది.

వాళ్ల ముగ్గురికీ బెస్ట్ విసెష్ చెప్పేసింది

ఇదే ఇంటర్వ్యూలో రష్మీ.. తన స్నేహితులకు బెస్ట్ విసెష్ చెప్పింది. సుడిగాలి సుధీర్, గెటప్‌ శ్రీను, రాంప్రసాద్‌ ప్రధాన పాత్రల్లో తెరకెక్కిన చిత్రం ‘త్రీ మంకీస్‌'. జీ అనిల్‌ కుమార్‌ దర్శకత్వంలో వస్తున్న ఈ సినిమాను జీ నగేష్‌ నిర్మించారు. కారుణ్య చౌదరి కథానాయిక. ఫిబ్రవరి 7న ఈ సినిమా విడుదల కానుంది. ఈ సందర్భంగానే రష్మీ.. సుధీర్‌పై కామెంట్స్ చేసింది.