కొత్త మార్పులు కలిసివస్తాయా? : 'రచ్చబండ' దగ్గర రోజా , 'జబర్దస్త్' గా మంచు లక్ష్మి

By Srikanya

Updated: Monday, June 13, 2016, 10:14 [IST]

హైదరాబాద్: ఒకప్పుడు హీరోయిన్ గా వెలుగు వెలిగి, టీవి మీడియాలోకి సైతం వచ్చి జబర్దస్త్ షో తో స్టార్ గా తన సత్తా ఏంటో చూపించిన రోజా మరోసారి తన విశ్వరూపం ప్రదర్శించబోతున్నారని సమాచారం.

త్వరలో ఆమె జెమినీ టీవిలో రచ్చబండ టైటిల్ తో ఓ రియాల్టి షో పోగ్రామ్ చేస్తున్నారని తెలుస్తోంది. ఈ పోగ్రామ్ లో కుటుంబాల్లో వచ్చే సమస్యలకు పెద్దరికంగా పరిష్కారం చూపటం, అవసరమనుకుంటే లీగల్ గా సాయిం చేయటం వంటివి చేస్తారని చెప్తున్నారు. అయితే జబర్దస్త్ చేస్తూనే ఈ పోగ్రాం చేస్తుందా లేక రెండు చేస్తుందా అనే విషయాలు టీవి మీడియాలో చర్చనీయాంశంగా మారాయి.

ఇప్పటికే వేరే ఛానెల్ లో వస్తున్న బతుకు జట్కా బండి తరహా పోగ్రామ్ ఇది కావచ్చు అని భావిస్తున్నారు. రోజా సీన్ లోకి వస్తే టీఆర్పీలకు లోటు ఉండదని, ఆమె యాంకరింగ్ అద్బుతంగా ఉంటుందని, తన డైనమిక్ పర్శనాలిటితో ఇట్టే పోగ్రామ్ ని పైకి లేపుతుందని ఛానెల్ వారు భావిస్తున్నట్లు తెలుస్తోంది.

ఇప్పటికే జబర్దస్త్ ..కామెడీ షోలో చేస్తున్న ఈమె ఈ కొత్త షో నిమిత్తం భారీగానే వసూలు చేస్తున్నరని వినికిడి. ఎంత ఇచ్చినా రోజా వంటి స్టార్ ఇమేజ్ ఉన్న యాంకర్ ముందు అది దిగదుడుపే అంటున్నారు. రోజా కూడా తన పొలిటికల్ కెరీర్ కు ఈ పోగ్రామ్ ఉపయోగపడే అవకాసం ఉందని భావిస్తున్నారట.

మరో ప్రక్క రీసెంట్ గా నిన్న ప్రసారం అయిన 'జబర్దస్త్' షోలో రోజా స్థానంలో మంచు లక్ష్మి కనిపించింది. దీంతో 'జబర్దస్త్' షో నుండి రోజాను తొలగించినట్లు ప్రచారం జరుగుతోంది. మరి రోజా తనకు వీలు కాక ఈ షోలో పాల్గొనలేక పోయారా? లేక బయట ప్రచారం జరుగుతున్నట్లు ఆమెను కావాలని తప్పించారా? అనేది చర్చనీయాంశం అయింది.

పోగ్రామ్ టీఆర్పిలు సైతం తగ్గిన ఈ సమయంలో కొత్త నీరుతో ఈ పోగ్రామ్ ని పాతపడకుండా చేయాలని ఛానెల్ వారు , పోగ్రామ్ డిజైనర్ అయిన శ్యామ్ ప్రసాద్ రెడ్డి నిర్ణయం తీసుకున్నట్లు సమాచారం. మరి ఏం జరుగుతుందో వేచి చూడాలి.

స్లైడ్ షోలో మిగతా విశేషాలు...