Bigg Boss 16: కనివిని ఎరుగని రెమ్యునరేషన్ డిమాండ్ చేస్తున్న సల్మాన్ ఖాన్.. షాకింగ్!

సల్మాన్ తో లాభాలు

బాలీవుడ్ సినిమా ప్రపంచంలో అత్యధిక మార్కెట్ ఉన్న హీరోలలో సల్మాన్ ఖాన్ ఒకరు. సల్మాన్ ఖాన్ తో ఎలాంటి సినిమా చేసిన కూడా పెట్టిన పెట్టుబడి మొత్తం మొదటి వీకెండ్ లోనే వెనక్కి వచ్చేస్తుంది. ఆ విధంగా అతను ఒక బలమైన మార్కెట్ అయితే క్రియేట్ చేసుకున్నాడు. సల్మాన్ ఖాన్ ఎలాంటి సినిమా చేసినా కూడా నిర్మాతలు మాత్రం గత కొన్ని ఎళ్లుగా పెద్దగా నష్టాలను చూడడం లేదు.

బిగ్ బాస్ ద్వారా భారీ ఆదాయం

ఇక సల్మాన్ ఖాన్ బుల్లితెర ద్వారా కూడా భారీ స్థాయిలో క్రేజ్ అయితే అందుకున్నాడు. బిగ్ బాస్ షో ద్వారా అతనికి ఆదాయం కూడా చాలానే పెరిగింది అని చెప్పాలి. ఒక రెండు మూడు సినిమాలు చేస్తే వచ్చే ఆదాయం.. అతనికి ఒక బిగ్ బాస్ సీజన్ పూర్తి చేస్తే దక్కుతోంది అంటే డిమాండ్ ఏ రేంజ్ లో ఉందో అర్థం చేసుకోవచ్చు. ఇక రాబోయే బిగ్ బాస్ 16వ సీజన్ కోసం అతను ముందుగానే నిర్వాహకులతో పారితోషకం గురించి చర్చలు జరుపుతున్నాడు.

అడిగినంత ఇస్తున్నారు

బిగ్బాస్ నిర్వాహకులు అయితే పారితోషికం విషయంలో ఏ మాత్రం వెనక్కి తగ్గడం లేదు. ఎందుకంటే సల్మాన్ ఖాన్ లేకుండా ఆ రియాలిటీ షోకు క్రేజ్ రాదు అని వారికి బాగా తెలుసు. మిగతా స్టార్స్ ఎవరు కూడా ఈ కాంట్రవర్సీ షోను అంతని కంటే బాగా బ్యాలెన్స్ చేయలేరు. అందుకే నిర్వాహకులు అతను ఎంత డిమాండ్ చేస్తున్నా కూడా వెనక్కి తగ్గకుండా అడిగినంత ఇవ్వడానికి కూడా రెడీ అవుతున్నారు.

భారీగా రెమ్యునరేషన్

గతంలో 15వ సీజన్ కోసమే సల్మాన్ ఖాన్ భారీ స్థాయిలో పారితో అందుకున్నాడు. ఒక్కో ఎపిసోడ్ కు అతను దాదాపు 20 కోట్ల వరకు డిమాండ్ చేసినట్లుగా టాక్ వినిపించింది. ఇక మొత్తంగా ఆ సీజన్ కు అతను 450 కోట్లకు పైగానే ఆదాయం అందుకున్నట్లు సమాచారం. ఒక విధంగా టెలివిజన్ రంగంలో ఇండియా మొత్తంగా చూసుకుంటే అదే అత్యధిక పారితోషికం అని చెప్పవచ్చు.

ఊహించని రేంజ్ లో రెమ్యునరేషన్?

ఇక ప్రస్తుతం సల్మాన్ ఖాన్ 15వ సీజన్ కోసమైతే అంతకంటే ఎక్కువగానే డిమాండ్ చేస్తున్నట్లు సమాచారం. బిజినెస్ అయితే వేల కోట్లల్లోనే జరుగుతోంది అని.. అందుకే ఈసారి సల్మాన్ ఖాన్ 1000 కోట్ల వరకు రెమ్యునరేషన్ అడిగే అవకాశం ఉందట. మొత్తం సీజన్ కు అతను ఆ రేంజ్ లోనే డిమాండ్ చేయబోతున్నట్లుగా తెలుస్తోంది. ప్రస్తుతం నిర్వాహకులతో అయితే చర్చలు జరుగుతున్నాయట. మరి ఇది ఎంతవరకు నిజమో కాలమే సమాధానం చెప్పాలి.