టీవీ సింగింగ్ షో: నిర్మాతపై ఫైనలిస్ట్ కేసు

By Bojja Kumar

Published: Saturday, October 20, 2012, 12:28 [IST]

SaReGaMa finalist files case against producers

ముంబై: బుల్లి తెర కార్యక్రమాల జోరు రోజు రోజుకు పెరిగిపోతూనే ఉంది. ప్రైవేట్ టీవీ ఛానళ్ల పోటీ పుణ్యమా అని ప్రేక్షకులు 24 గంటల పాటు ఇంట్లోనే కూర్చొని వినోదం పొందే కార్యక్రమాలు ప్రసారం అవుతున్నారు. టీవీ కార్యక్రమాలలో సీరియళ్ల తర్వాత రియాల్టీ షోలదే టాప్ పొజిషన్.

సినిమా రంగంలో మాదిరి ఈ రంగంలోనూ పలు వివాదాలు, గొడవలు సర్వ సాధారణమే. నిర్మాత డబ్బులు ఎగ్గొట్టాడని కొందరు, తన రాల్సిన అవకాశం ఇంకొకరికి ఇచ్చారంటూ కలహాలు ఈ మధ్య కామన్ అయిపోయాయి. తాజాగా ఓ హిందీ రియాల్టీ షోలో ఫైనల్ వరకు చేరుకున్న అభ్యర్థి సదరు షో నిర్మాతపై కేసు వేసింది.

వివరాల్లోకి వెళితే.... హిందీలో 'సా రె గా మా పా' పేరుతో రూపొందుతున్న సింగింగ్ టాలెంట్ రియాల్టీషో ఫైనలిస్టు హిమాని కపూర్ ఆ షో నిర్మాతలపై కేసు వేసింది. నిర్మాతలు తనకు రూ. 2 కోట్ల వరకు బాకీ ఉన్నారని 'ఫెడరేషన్ ఆఫ్ వెస్టర్న్ ఇండియా సినీ ఎంప్లాయీస్'లో ఫిర్యాదు చేసింది.

ఫెడరేషన్ జనరల్ సెక్రటరీ దినేష్ చతుర్వేది ఈ విషయమై స్పందిస్తూ.... సమస్యను సామరస్య పూర్వకంగా పరిష్కరించేందుకు ప్రయత్నిస్తున్నామని, త్వరలోనే ఈ ఇష్యూకు సంబంధించిన పూర్తి వివరాలు తెలియజేస్తానని వెల్లడించారు.

More from Filmibeat