Bigg Boss Telugu 6: షాని సాల్మన్ అరుదైన ఫీట్.. షో చరిత్రలో ఇది రెండోసారి మాత్రమే

అన్నింటికీ భారీ రెస్పాన్స్

దేశంలోని ఎన్నో భాషల్లో వస్తున్నా తెలుగులో మాత్రమే బిగ్ బాస్ భారీ రెస్పాన్స్‌ను సొంతం చేసుకుంటోంది. ఫలితంగా సీజన్ల మీద సీజన్లను పూర్తి చేసుకుంటోంది. ఇలా ఇప్పటికే ఐదు రెగ్యూలర్, ఒక ఓటీటీ వెర్షన్ సీజన్లను కంప్లీట్ చేసింది. ఇవన్నీ ఒకదానికి మించి ఒకటి రెస్పాన్స్‌ను అందుకుని రేటింగ్‌తో రికార్డులు క్రియేట్ చేశాయి. దీంతో ఇది నెంబర్ వన్ షోగా మారింది.

వాటి కంటే ఎక్కువ కాదు

సాధారణంగా బిగ్ బాస్ షో ఎప్పుడు వచ్చినా దానిపై ఆరంభం నుంచే అంచనాలు తారాస్థాయిలో ఉంటాయి. ఇప్పుడు ఆరో సీజన్‌పైనా అదే రీతిలో నెలకొన్నాయి. అందుకు అనుగుణంగానే నిర్వహకులు ఈ సారి సరికొత్త ప్రయోగాలు చేస్తున్నారు. ఇందులో భాగంగానే జనాలు మెచ్చే అంశాలపై ఫోకస్ చేసి వాటినే ప్రసారం చేస్తున్నారు. కానీ, రేటింగ్‌ను మాత్రం రాబట్టడం లేదు.

అంత మందిని వదిలారు

బిగ్ బాస్ హిస్టరీలోనే ఫస్ట్ టైం ఆరో సీజన్‌లో ఏకంగా 21 మంది కంటెస్టెంట్లు కీర్తి భట్, సుదీప పింకీ, శ్రీహాన్, నేహా చౌదరి, చలాకీ చంటి, శ్రీ సత్య, అర్జున్ కల్యాణ్, గీతూ రాయల్, అభినయ శ్రీ, రోహిత్ సాహ్నీ, మెరీనా అబ్రహం, బాలాదిత్య, వాసంతి కృష్ణన్, షానీ సాల్మన్, ఇనయా సుల్తానా, ఆర్జే సూర్య, ఫైమా, ఆదిరెడ్డి, రాజశేఖర్, అరోహీ రావ్, రేవంత్‌‌లు హౌస్‌లోకి అడుగు పెట్టారు.

రెండో వారంలో 8 మంది

ఆరో సీజన్‌లో మొదటి వారం ఎలిమినేషన్‌ను తీసేసి సరికొత్త ప్రయోగం చేశారు. ఈ క్రమంలోనే రెండో వారానికి సంబంధించిన నామినేషన్స్ ప్రక్రియ కూడా గొడవలతో సాగింది. ఇందులో రేవంత్, ఫైమా, మెరీనా అండ్ రోహిత్, అభినయశ్రీ, ఆదిరెడ్డి, గీతూ నామినేట్ అయ్యారు. చివర్లో కెప్టెన్ బాలాదిత్య బిగ్ బాస్ చెప్పడంతో రాజశేఖర్, షానీ సాల్మన్‌ను నేరుగా నామినేట్ చేశాడు.

ఫస్ట్ కంటెస్టెంట్‌గా షాని

గత శనివారం జరిగిన ఎపిసోడ్‌లో హోస్ట్ అక్కినేని నాగార్జున ఇంట్లోని కంటెసెంట్లు అందరి మీద విరుచుకు పడ్డాడు. ఈ క్రమంలోనే సరిగా ఆడని 9 మందిని సెలెక్ట్ చేసి.. వాళ్లలో ఎవరు వేస్ట్ కంటెస్టెంట్ చెప్పమని మిగిలిన వాళ్లకు చెప్పాడు. వాళ్లలో ముగ్గురికి మూడు ఓట్లు వచ్చాయి. అందులో నుంచి ప్రేక్షకుల ఓట్లు ఆధారంగా షాని సాల్మన్‌ను ఈ సీజన్ నుంచి ఎలిమినేట్ చేశారు.

షో చరిత్రలో రెండోసారి

బిగ్ బాస్ ఆరో సీజన్‌కు సంబంధించి ఎలిమినేట్ అయిన మొదటి కంటెస్టెంట్‌గా షాని సాల్మన్ నిలిచాడు. అయితే, అతడిని మాత్రం ఏమాత్రం మర్యాద ఇవ్వకుండానే షో నుంచి బయటకు పంపేశారు. ఇదిలా ఉండగా.. బిగ్ బాస్ చరిత్రలోనే ఫస్ట్ ఎలిమినేషన్‌లో ఓ మేల్ కంటెస్టెంట్ ఉండడం ఇది రెండోసారి మాత్రమే. గతంలో నాలుగో సీజన్‌లో సూర్య కిరణ్ ఫస్ట్ వీక్ వెళ్లిపోయాడు.

ఎప్పుడు ఎవరు వెళ్లారు

తెలుగు బిగ్ బాస్ చరిత్రలో మొదటి సీజన్‌లో జ్యోతి, రెండో సీజన్‌లో సంజన, మూడో సీజన్‌లో హేమ, నాలుగో సీజన్‌లో సూర్య కిరణ్, ఇప్పుడు ఐదో సీజన్‌లో సరయు రాయ్.. నాన్ స్టాప్ సీజన్‌లో ముమైత్ ఖాన్‌లు మొదటి వారంలోనే ఎలిమినేట్ అయిపోయారు. ఇందులో ఎక్కువగా అమ్మాయిలే ఉన్నారు. అయితే, ఇప్పుడు షానీ వెళ్లడంతో ఈ తేడాలో కాస్త మార్పులు వచ్చాయి.