Siri Hanmanth వల్లే బిగ్‌బాస్ టైటిల్ పోయింది.. క్యారెక్టర్ నచ్చలేదు.. షణ్ముఖ్ జస్వంత్ షాకింగ్ కామెంట్స్

Recommended Video

Bigg Boss Telugu 5 : Shanmukh - Siri Hanmanth Track Never Ends || Filmibeat Telugu

ప్రేక్షకులకు నేను నచ్చలేదు..

బిగ్‌బాస్ హౌస్‌లో 105 రోజుల ప్రయాణంలో ఎన్నో అనుభవాలు, అనుభూతులు ఉన్నాయి. ప్రేమ, కోపం, ఫ్రెండ్‌షిష్, ఎమోషన్స్ కనిపించాయి. 11వ వారంలో నేను టైటిల్ సాధించే సత్తా ఉందని అనిపించింది. నాకు సోషల్ మీడియా సైన్యం ఉన్నా.. నా క్యారెక్టర్ నచ్చితేనే ఓట్లు వేస్తారు. నా క్యారెక్టర్ ప్రేక్షకులకు నచ్చకపోవడం వల్లే నేను బిగ్‌బాస్ తెలుగు 5 విన్నర్ కాలేకపోయాను. నేను చేసిన తప్పులు నాకు తెలుసు. కాబట్టి నేను రన్నర్‌గా నిలిచినా నాకు బాధ కలిగించలేదు అని షణ్ముఖ్ జస్వంత్ అన్నారు.

సిరి హన్మంతుతో రకరకాల ఎమోషన్స్

సిరి హన్మంతు రకరకాల ఎమోషన్స్ షేర్ చేసుకొన్నాం. తిట్టుకొన్నాం, కొట్టుకొన్నాం, ఏడ్చాం, నవ్వుకొన్నాం కానీ .. నా ఇమేజ్‌ను దించే పాయింట్ సిరి హన్మంతే అనుకొన్నాను. సిరి నాకు మైనస్ అవుతుందని నాకు తెలుసు కానీ.. సిరి దూరం పెట్టి ఫేక్‌గా నా క్యారెక్టర్‌ను ఇంటిలో మార్చుకోలేకపోయాను. మార్చుకోవద్దని అనుకొన్నాను. కానీ నేను టైటిల్ సాధించాలని సిరి కోరుకోవడం నాకు చాలా హ్యాపీగా ఉంది అని షణ్ముఖ్ జస్వంత్ తెలిపారు.

పాపులారిటీ, సోషల్ మీడియా సపోర్ట్ పనిచేయదు

బిగ్‌బాస్‌లోకి రావడానికి పాపులారిటీ అవసరం లేదు. నాకు తెలియని వారు కూడా వచ్చారు. బిగ్‌బాస్ తెలుగు 5లోకి వచ్చేటప్పుడు నీవు నాలుగు వారాలు ఉంటే చాలా గొప్ప అని మా నాన్న అన్నాడు. కానీ నేను 105 రోజులు ఇంటిలో ఉండటం చాలా హ్యాపీగా ఉంది. ఆఫ్ లైన్ నేను చాలా మూడీగా ఉంటాను. కానీ బిగ్‌బాస్ కంటెస్టెంట్లను నుంచి చాలా పాజిటివ్ అంశాలను నేను నేర్చుకొన్నాను. ఫ్యాన్ బేస్ ఉన్న వారు ఇంటిలో ఉండటానికి సపోర్ట్ లభిస్తుంది. నేను, శ్రీరామచంద్ర, యాంకర్ రవి, సన్నీ టాప్ 5లో ఉంటామని అనుకొన్నాను. నా గురించి నేను తెలుసుకొని ఉంటే డెఫినెట్‌గా విన్నర్ అయి ఉండే వాడిని అని షణ్ముఖ్ తెలిపారు.

యాంకర్ రవి ఎలిమినేషన్ ఓ షాక్

యాంకర్ రవి ఎలిమినేషన్‌తో భారీ షాక్ తగిలింది. రవి ఎలిమినేట్ అవుతాడని అనుకోలేరు. కానీ సన్నీ ఎవిక్షన్ పాస్ ఉపయోగించడంతో అతడు ఎలిమినేషన్ అయ్యాడు. కానీ అతడికి అంత తక్కువగా, కాజల్ కంటే తక్కువగా ఓట్లు రావడం చూసి గుండె ముక్కలైంది. సిరి తల్లి ఇంట్లోకి వచ్చి.. కౌగిలించుకోవడం నాకు నచ్చలేదు అని చెప్పడం నాకు మరో షాక్ తగిలింది. అతిగా ఆలోచించడం నాకు మైనస్‌గా అవుతుందనే విషయం ముందే తెలుసు. సిరి గురించి ఆలోచించడం నాపై ఒత్తిడి పెంచింది అని షణ్ముఖ్ చెప్పారు.

సన్నీతో ఎమోషనల్ బాండింగ్

సన్నీ హార్డ్ వర్కర్. బ్యాటెన్ టాస్క్‌లో తప్పుగా ఆరోపణ చేయడంతో నేను బాధపడ్డాను. సన్నీ నన్ను ఎన్నడూ నామినేట్ చేయలేదు. కానీ సీక్రెట్ నామినేషన్స్ సందర్భంగా నన్ను నామినేట్ చేసిన ఎనిమిది మందిలో సన్నీ ఒకరు. అయితే నీతో నాకు ఎమోషనల్ బాండింగ్ లేదు. అందుకే నామినేట్ చేశానని సన్నీ చెప్పాడు. అయితే ఇంటిలో ఉండాలంటే ఎమోషనల్ బాండింగ్ ఉండాలా అని అనిపించింది అని షణ్ముఖ్ తెలిపారు.

సిరి హన్మంతు కారణంగానే ఓడిపోయా

సిరి హన్మంతు నాకు బెస్ట్ ఫ్రెండ్. ఐదేళ్లు దీప్తితో రిలేషన్‌లో ఉన్నా. చేతిపై ట్యాటూ వేసుకొన్నా. ఆ తర్వాత కూడా సిరితో ఎలా కమిట్ అవుతాను. దీప్తితో రిలేషన్‌లో ఎగుడుదిగుడులు ఉన్నాయి. గొడవ జరిగితే మూడు, నాలుగు నెలలు మాట్లాడుకోం. కానీ సిరి హన్మంతుతో 105 రోజులు కలిసి ఉన్నా. దీప్తితో నేను ఎన్నడూ కలిసి లేను. అందుకే హౌజ్‌లో అంత బాండింగ్ ఏర్పడింది. అయితే మా రిలేషన్ కేవలం ఫ్రెండ్‌షిప్ మాత్రమే. కానీ సిరి హన్మంతు కారణంగానే బిగ్‌బాస్ టైటిల్ కోల్పోయాను అని షణ్ముఖ్ అన్నారు.