Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రవికృష్ణ ఇంట్లో బిగ్ బాస్ కంటెస్టెంట్ల పార్టీ.. కరోనా పాజిటివ్ రావడంతో అందరూ ఇలా.!
ప్రపంచ వ్యాప్తంగా కరోనా వైరస్ ప్రభావం రోజురోజుకూ పెరిగిపోతోంది. మరీ ముఖ్యంగా భారతదేశంలో ఈ మహమ్మారి విజృంభిస్తోంది. ఇక, తెలుగు రాష్ట్రాల్లో పరిస్థితి మరీ దారుణంగా తయారైంది. ఆంధ్రప్రదేశ్, తెలంగాణలో పోటీ పోటీగా కేసులు నమోదు అవుతున్నాయి. ఈ క్రమంలోనే టెలివిజన్ రంగంలోకీ ఈ వైరస్ ఎంటర్ అయింది. ఈ మధ్య పలువురు నటీనటులు కరోనా పాజిటివ్గా తేలారు. ఈ నేపథ్యంలో ఇటీవల కోవిడ్ - 19 బారిన పడిన సీరియల్ యాక్టర్ రవికృష్ణ.. తన స్నేహితులు, బిగ్ బాస్ కంటెస్టెంట్లు గురించి ఓ షాకింగ్ న్యూస్ బయట పెట్టాడు. ఆ వివరాలు మీకోసం.!
షూటింగ్ ప్రారంభం... అంతలోనే షాక్
లాక్డౌన్ కారణంగా దాదాపు నాలుగు నెలల పాటు షూటింగులు అన్నీ నిలిచిపోయాయి. అయితే, తెలంగాణలోని టీఆర్ఎస్ ప్రభుత్వం కొద్ది రోజుల క్రితం షూటింగ్లకు అనుమతినిచ్చింది. దీంతో బుల్లితెర కార్యక్రమాల చిత్రీకరణ కూడా మొదలైంది. అలా షూటింగ్ ప్రారంభమైందో లేదో.. ప్రముఖ ఛానెల్లో ప్రసారం అవుతోన్న ఓ సీరియల్లోని నటుడు కరోనా పాజిటివ్గా తేలాడు.
వాళ్లతో పాటు హీరో హీరోయిన్కు కరోనా
సీరియల్ యాక్టర్ ప్రభాకర్కు కరోనా వచ్చిందన్న న్యూస్ తెలుగు రాష్ట్రాల్లో హాట్ టాపిక్ అయింది. దీంతో అందరూ షాక్కు గురయ్యారు. ఇలాంటి పరిస్థితుల్లో ‘ఆమె కథ' ఫేం నవ్య స్వామి కూడా ఆ వైరస్ బారిన పడింది. ఈ న్యూస్ బయటకు వచ్చిన రెండు రోజులకే ఆ సీరియల్ హీరో, బిగ్ బాస్ ఫేం రవికృష్ణ కూడా కోవిడ్ బాధితుడిగా తేలడం కలకలం రేగింది.
స్వయంగా ప్రకటన.. ఏమీ కాలేదని క్లారిటీ
తనకు కరోనా వ్యాధి సోకిందని రవికృష్ణ స్వయంగా సోషల్ మీడియాలో పోస్ట్ చేశాడు. అందులో తనకు కరోనా లక్షణాలేవీ లేవని, చాలా ఆరోగ్యంగా ఉన్నానని వెల్లడించాడు. అలాగే, తనతో సన్నిహితంగా ఉన్న వారందరూ కోవిడ్ టెస్టులు చేయించుకోవాలని కోరాడు. అంతేకాదు, కరోనా సోకిన వారిని వివక్షతో చూడవద్దని రవికృష్ణ అభ్యర్థించాడు.
శివజ్యోతితో లైవ్ చాట్.. అన్నీ చెప్పాడు
కరోనా వ్యాధి సోకడంతో ఇంట్లోనే స్వీయ చికిత్స తీసుకుంటున్నాడు సీరియల్ యాక్టర్ రవికృష్ణ. ఈ క్రమంలోనే రెండు రోజుల క్రితం అతడు సోషల్ మీడియాలో బిగ్ బాస్ ఫేం శివజ్యోతి అలియాస్ సావిత్రక్కతో లైవ్ చాట్ నిర్వహించాడు. ఈ సందర్భంగా ఎన్నో విషయాలను ఫ్యాన్స్తో పంచుకున్నాడు. అలాగే, శివజ్యోతి అడిగిన ఎన్నో ప్రశ్నలకు సమాధానం చెప్పాడు.
|
రవికృష్ణ ఇంట్లో బిగ్ బాస్ కంటెస్టెంట్ల పార్టీ
గత నెల 9న రవికృష్ణ పుట్టినరోజు పార్టీ జరిగింది. దీనికి బిగ్ బాస్ కంటెస్టెంట్లు హిమజ, శివజ్యోతి, రోహిణి, అలీ రేజా సహా మరికొందరు హాజరయ్యారు. దీనికి సంబంధించిన ఫొటోలను వీళ్లంతా సోషల్ మీడియాలో పోస్ట్ కూడా చేశారు. అది జరిగిన కొద్ది రోజులకే రవికృష్ణకు కరోనా అని తేలింది. దీంతో బిగ్ బాస్ కంటెస్టెంట్ల పరిస్థితి ఎంటన్న ప్రశ్న తలెత్తింది.
Recommended Video
కరోనా పాజిటివ్ రావడంతో అందరూ ఇలా.!
ఈ లైవ్ చాట్లో రవికృష్ణ మాట్లాడుతూ... ‘మీ అందరికీ కరోనా వస్తుందేమో అని భయపడ్డా. నాలా ఎవరూ ఆ వ్యాధి బారిన పడకూడదని కోరుకున్నా' అంటూ శివజ్యోతితో చెప్పుకొచ్చాడు. దీంతో తనతో పుట్టినరోజు పార్టీలో పాల్గొన్న వారందరూ కరోనా టెస్ట్ చేయించుకున్నారని రవికృష్ణ పరోక్షంగా వెల్లడించాడు. వాళ్లెవరికీ వ్యాధి సోకకపోవడంతో అందరూ ఊపిరి పీల్చుకున్నారు.