హోమ్

టెలివిజన్

బుల్లితెర ఆడియన్స్ మనసు దోచేసిన రియాలిటీ షో బిగ్ బాస్. తెలుగు, హిందీతో పాటు అన్ని భాషల్లో మంచి పాపులారిటీ తెచ్చుకోవడమే గాక సదరు టీవీ ఛానల్స్ టీఆర్పీ రేటింగ్స్ అమాంతం పెంచేసింది బిగ్ బాస్ షో. ఈ షో స్టార్ట్ అయిందంటే చాలు ఇంటిల్లిపాది ఒక్కటై బుల్లితెర ముందు ఎంజాయ్ చేస్తుండటం గమనించవచ్చు.

ఇంతటి పాపులారిటీ ఉన్న ఈ షో అత్యంత ఖరీదైంది కూడా. పార్టిసిపెంట్స్ మొదలుకొని హోస్ట్ వరకూ అంతా ఈ షోలో భాగమయ్యేందుకు భారీ మొత్తం స్వీకరించే వాళ్ళే. అయితే హిందీ బిగ్ బాస్ షోలో హోస్ట్ గా చేస్తున్న సల్మాన్ ఖాన్ ఈ షో కోసం ఎంత తీసుకుంటున్నాడా తెలిసి షాక్ వాడుతున్నారు జనం. సినిమాలను మించిన పారితోషికం ఆయనకు అందుతోందట.

దేశవ్యాప్తంగా ఎంతో ఆదరణ పొంది సక్సెస్‌ఫుల్‌గా రన్ అవుతున్న హిందీ 'బిగ్‌బాస్‌' షో అన్ని సీజన్లకు సల్మానే హోస్ట్‌గా వ్యవహరిస్తూ వస్తున్నారు. ఈ నేపథ్యంలో మరికొద్ది రోజుల్లో ప్రారంభం కానున్న 'బిగ్‌బాస్‌' సీజన్‌ 13 హోస్ట్ చేయడం కోసం సల్మాన్‌ ఖాన్‌ ఏకంగా 403 కోట్ల రూపాయలు కావాలని అడిగారట. బాలీవుడ్‌ సర్కిల్స్‌లో ప్రస్తుతం ఇది హాట్ టాపిక్ గా మారింది. ఈ షోలో మొత్తం 26 ఎపిసోడ్లు ఉంటాయి. అయితే ఒక్కో ఎపిసోడ్‌కు సల్మాన్‌ 31 కోట్లు అడిగినట్లు సమాచారం.

మొదటి నుంచీ సల్మానే హోస్ట్ గా చేస్తుండటం, దీంతో ఈ షోకి భారీ డిమాండ్ నెలకొనడం కారణంగా సీజన్ 13 కి కూడా హోస్ట్‌గా సల్మాన్ తప్ప మరొకరు వద్దని భావిస్తున్నారట నిర్వాహకులు. ఈ మేరకు సల్మాన్‌ అడిగినంత పారితోషికాన్ని ఇచ్చేందుకు వారు ఒప్పుకొన్నారట. ఒకవేళ ఇదే గనక నిజమైతే ఓ టీవీ షో కోసం అత్యధిక పారితిషికమా తీసుకున్న ఏకైక భారతీయ సెలబ్రిటీ సల్మాన్‌ ఖానే అవుతారు. ఈ ఏడాది సెప్టెంబర్‌ 29 నుంచి 'బిగ్‌బాస్' సీజన్‌ 13 ప్రారంభం కానుంది.