బిగ్‌బాస్‌లోకి వాళ్ళిద్దరిలో ఒకరు రీ ఎంట్రీ.. దూసుకుపోతున్న నూతన్ నాయుడు, శ్యామల!

నూతన్ నాయుడికి అవకాశం

ఆడియన్స్ లో ఎక్కువగా నూతన నాయుడు పేరు వినిపిస్తోంది. సామాన్యుడిగా అతడివైపు ఆడియన్స్ మొగ్గు చూపే అవకాశాలు కనిపిస్తున్నాయి. కానీ ఆరంభంలోనే నూతన నాయుడు హౌస్ లో కొన్ని వివాదాల్లో చిక్కుకున్నారు. బాగా ఎవరు ఎంటర్ టైన్ చేయగలరు అని ప్రేక్షకుడు ఆలోచిస్తే నూతన్ నాయుడుకి మైనస్ గా మారె అవకాశం ఉంది.

శ్యామల పేరు కూడా

నూతన్ నాయుడు తరహాలోనే శ్యామల పేరు కూడా బాగా వినిపిస్తోంది. శ్యామల ఎలిమినేషన్ నాటకీయ పరిణామాల మధ్య జరిగింది. కౌశల్, తేజస్వి.. దీప్తి, నందినిని సేవ్ చేయడంతో శ్యామల ఎలిమినేషన్ జరిగింది. గలగలా మాట్లాడుతూ కలుపుగోలుగా ఉండడం ఆమె బలం. కాబట్టి ఆడియన్స్ శ్యామలకు మద్దత్తు తెలిపే అవకాశాలు కూడా ఉన్నాయి.

చివరి రోజు

ఎలిమినేట్ అయిన వారిలో ఒకరిని తిరిగి హౌస్ లోకి పంపించే ఓటింగ్ ప్రక్రియకు నేడు చివరి రోజు. ఎవరు ఎన్నిక అవుతారు అనే విషయంలో ఆడియన్స్ లో తీవ్ర ఉత్కంఠ నెలకొని ఉంది.

మిగిలిన వాళ్లలో

నూతన్ నాయుడు, శ్యామలతో పాటు తేజస్వి, సంజన, కిరీటి, భానుశ్రీ కూడా ఎలిమినేట్ అయినవారిలో ఉన్నారు. అనూహ్య పరిణామాలు జరిగితే తప్ప వీరిలో ఒకరు హౌస్ లోకి తిరిగి ప్రవేశించే అవకాశాలు కనిపించడం లేదు.