తప్ప తాగి మూడు కార్లు, కరెంట్ పోల్‌ని గుద్దేశాడు, ఫోటోలు చూస్తే షాకే.. టివి నటుడి అరెస్ట్!

చిన్నారి పెళ్లి కూతురు

హిందీలో విజయవంతం అయిన చిన్నారి పెళ్లి కూతురు సీరియల్ తెలుగులో కూడా విపరీతమైన ప్రేక్షాదరణ పొందింది. ఈ సీరియల్ లో ప్రధాన పాత్రలో నటించిన సిద్దార్థ్ శుక్లాని తాగి వాహనం నడపడం, మూడు వాహనాల్ని ప్రమాదానికి గురి చేసిన కేసులో అరెస్ట్ చేశారు.

అతివేగం

పోలిసుల సమాచారం ప్రకారం సిద్ధార్థ్ శుక్లా ముంబై లోని ఓషివారా ప్రాంతంలో అతివేగంతో వాహనాన్ని నడుపుతున్న సమయంలో కారు అదుపు తప్పింది. వేగంగా మూడు కార్లని ధ్వంసం చేసిన అనంతరం కారు పక్కనే ఉన్న కరెంట్ పోల్ ని ఢీ కొట్టినట్లు పేర్కొన్నారు.

ఇంత ప్రమాదం జరిగినా

ఇంత పెద్ద ప్రమాదం జరిగినా కారులో ఎయిర్ బ్యాగ్స్ తెరుచుకోలేదు. పైగా సిద్దార్థ్ కు ఎటువంటి గాయాలు కాలేదు. ప్రమాదానికి గురైన ఓ కారులో వ్యక్తికీ మాత్రం స్వల్ప గాయాలు అయినట్లు పోలీసులు తెలిపారు.

నాలుగు సెక్షన్ల కింద

సిద్దార్థ్ శుక్లాని 229, 336, 337, 427 సెక్షన్ల కింద అరెస్ట్ చేసినట్లు పోలీసులు పేర్కొన్నారు. అరెస్టు అనంతరం అతడు బెయిల్ పై విడుదలైనట్లు తెలుస్తోంది. 2014 లో కూడా ఈతరహా ప్రమాదంలో అతడు ఇన్వాల్వ్ అయినట్లు తెలుస్తోంది.