Bigg Boss 6: కప్పుతోనే బయటకొస్తా.. ఎమోషనల్​గా మ్యాటర్ లీక్​ చేసిన సింగర్​ రేవంత్​

ఊహాగానాలు..

బిగ్ బాస్ తెలుగు ఆరో సీజన్​కు ఇక ఒక్క రోజే మిగిలి ఉంది. అత్యధిక పాపులారిటి తెలుగు రియాలిటీ షో బిగ్ బాస్ హౌజ్​లోకి ప్రవేశించే పోటీదారుల గురించి సోషల్ మీడియాలో చాలా ఊహాగానాలు ఉన్నాయి. బిగ్ బాస్ తెలుగు సీజన్ 6 హౌస్‌లోకి సింగర్​ రేవంత్, ఆర్జే సూర్య, ఆది రెడ్డి, శ్రీహాన్, గీతు రాయల్​, అభినయశ్రీ, నేహా చౌదరి, వాసంతి, బాలాదిత్య, శ్రీ సత్య వంటి తదితరుల పేర్లు ఖరారు అయినట్లు తెలుస్తోంది.

త్యాగం చేయడం కష్టం..

అయితే తాను బిగ్​బాస్​ హౌస్​లోకి ఎంట్రీ ఇచ్చి కప్పు కొడతాను అంటూ ఓ పోస్ట్ ద్వారా హింట్ ఇచ్చాడు సింగర్ రేవంత్​. జీవితంలో కొన్నింటిని త్యాగం చేయడం కష్టంగా ఉంటుంది. నా భార్యతో పాటు నాకు ఇష్టమైన సంగీతాన్ని కూడా మిస్​ అవుతున్నాను. కానీ, బయటకు వస్తే ఒక భగీరథుడి సాధనలా గెలిచి మంచి పేరుతోనే వస్తా. మీ ఓట్లతో నన్ను గెలిపించండి. ఎంటర్​టైన్​మెంట్​కి అంతా సిద్ధం. మీ సపోర్ట్​తో టైటిల్​ గెలిచి వస్తా అని ఎమోషనల్​గా ఇన్​స్టాగ్రామ్​ స్టోరీలో స్టేటస్ పెట్టాడు రేవంత్.

గ్రాండ్​గా ఆరో సీజన్..

దీంతో తాను బిగ్​బాస్​లోకి వెళ్తున్నట్లు చెప్పకనే చెప్పాడు సింగర్ రేవంత్. ఇదిలా ఉంటే బిగ్ బాస్ గడిచిన 5 సీజన్స్ కూడా భారీ స్థాయిలో రేటింగ్స్ అందుకుంది. యంగ్ టైగర్​ జూనియర్ ఎన్టీఆర్ మొదటి హోస్ట్​గా ఆ తర్వాత నాని రెండో హోస్ట్​గా షోను ఎక్కడికో తీసుకువెళ్లారు. అయితే మూడో సీజన్ నుంచి నాగార్జున విజయవంతంగా బిగ్ బాస్ ను కొనసాగిస్తూ వస్తున్నారు. ఇక ఓటీటిలో కూడా నాన్ స్టాప్ షోగా బిగ్ బాస్ కు మంచి క్రేజ్ అయితే సంపాందించుకుంది. ఇక ఇప్పుడు సెప్టెంబర్ 4న 6వ సీజన్ ఎంతో గ్రాండ్ గా ప్రారంభం కానుంది.

నామినేషన్స్​లో మార్పు..

ఇక రాబోయే 6వ సీజన్ పై కూడా అంచనాలు భారీగానే ఉన్నాయి. ఈ సీజన్​లో సరికొత్తగా రూల్స్ తీసుకొచ్చారని టాక్ వినిపిస్తోంది. నామినేషన్ ప్రక్రియ, శిక్షలను విభిన్నంగా ఏర్పాటు చేయనున్నారని గుసగుసలు వినిపిస్తున్నాయి. ఆరో సీజన్‌లో జరిగే నామినేషన్స్ ప్రక్రియలో పూర్తిగా మార్పులు చేస్తున్నట్లు తెలుస్తోంది.

సరికొత్త వ్యూహాలు..

దీన్ని మరింత జోరుగా మార్చేందుకు సరికొత్త వ్యూహాలను అమలు చేయబోతున్నట్లు బుల్లితెర వర్గాల్లో టాక్ వినిపిస్తోంది. సాధారణంగా బిగ్ బాస్ షోలో నామినేషన్స్ ప్రక్రియ సోమవారం రాత్రి ప్రసారం అయ్యే ఎపిసోడ్‌లో జరుగుతుంది. కానీ, ఈ ఆరో సీజన్‌లో మాత్రం దీన్ని సోమవారం కాకుండా బుధవారం చూపిస్తారని టాక్​ వినిపిస్తోంది.