వామ్మో శ్రీముఖి.. ఎన్ని వేషాలేస్తుందో!

సోషల్ మీడియాలో శ్రీముఖి కేక

బుల్లితెర, వెండితెర మీద శ్రీముఖి నటన ఒక ఎత్తయితే సోషల్ మీడియాలో ఆమె హల్‌చల్ ప్రేక్షకులకు కేక పుట్టిస్తున్నది. ఆమె చేసే ప్రతీ పోస్టులు వైరల్‌గా మారడమే కాకుండా మంచి క్రేజ్‌ను తెచ్చిపెడుతున్నాయి.

మహానటి సావిత్రిలా మారిన శ్రీముఖి

అద్భుతమైన నటి సావిత్రి జీవిత కథ ఆధారంగా మహానటి చిత్రం రూపొందుతున్న సంగతి తెలిసిందే. ఆ సినిమాను ఎప్పుడెప్పుడు చూద్దామా? అని ప్రేక్షకులు ఎదురుచూస్తున్నారు. ఈ నేపథ్యంలో శ్రీముఖి అచ్చం సావిత్రిలా తయారైంది. ఆ గెటప్‌లో ఫోటో‌షూట్ చేయించుకొని తన ట్విట్టర్ అకౌంట్‌లో పోస్టు చేసింది. గుండమ్మ కథలో సావిత్రిలా అంటూ మెసేజ్‌ పెట్టింది. పటాస్ ప్రొగ్రాం కోసం ఇలా తయారయ్యాను అంటూ ట్వీట్‌లో పేర్కొన్నది.

ఏక్, దో, తీన్ పాటకు డ్యాన్స్

ఇదిలా ఉండగా, ప్రముఖ టెలివిజన్ ఛానెల్‌లో ప్రసారమయ్యే ఓ రియాలిటీ షో కోసం మాధురి దీక్షిత్‌లా మారింది. ఏక్ దో తీన్ అంటూ తేజాబ్ సినిమాలోని పాటకు డ్యాన్స్ చేసి దమ్మురేపింది. ఆ పాటను చూస్తే మీరు షాకైపోవడం ఖాయం.

రంగమ్మ మంగమ్మ అంటూ

రంగస్థలం సినిమాలోని పాటను కూడా శ్రీముఖి వదల్లేదు. రంగమ్మ మంగమ్మ అనే పాటకు గొంతు కలిపింది. ఆ వీడియోను తన ట్విట్టర్‌లో పెట్టింది. తన హావభావాలతో ఫ్యాన్స్‌ను కేకపెట్టించింది. దాదాపు 70 వేలకు పైగా వ్యూస్ వచ్చాయి.

అవార్డులతో అదుర్స్

ఎన్నో రియాలిటీ షోలతో బుల్లితెరపైన శ్రీముఖి దూసుకుపోవడమే కాకుండా అవార్డులను, రివార్డులను గెలుచుకొంటున్నది. ఇటీవల జరిగిన జీటీవీ అప్సరస అవార్డుల్లో శ్రీముఖి ఓ అవార్డును గెలుచుకొన్నది.