Don't Miss!
- Technology Lava నుంచి కొత్త స్మార్ట్ ఫోన్! మార్చి 22 న లాంచ్,టీజర్ విడుదలైంది
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
- News ఆపరేషన్ పిఠాపురం ! పవన్ ఓటమికి జగన్ బిగ్ ప్లాన్ ఇదే..!
- Sports Shreyanka Patil: ఆటతోనే కాదు..అందంతోనూ క్లీన్ బౌల్డే!
- Lifestyle Chapathi Kurma: చిటికెలో రుచికరంగా చపాతీ కుర్మా రిసిపి రెడీ.
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
- Automobiles వయసు కేవలం నెంబర్ మాత్రమే!.. ఎందుకో వీడియో చూస్తే తెలుస్తుంది
స్టార్ మా పవర్ఫుల్ లైనప్.. RRR, పుష్ప సినిమాలతో పాటు మారో ఆరు సినిమాలు సొంతం..
ఈ రోజుల్లో సినిమాలు కేవలం థియేట్రికల్ గానే కాకుండా వివిధ రకాలుగా బిజినెస్ చేస్తూ నాన్ థియేట్రికల్ గా కూడా మంచి లాభాలను అందిస్తున్నాయి. ఇక ఓటీటీ హక్కుల్లో ఎంత పోటీ ఉందొ శాటిలైట్ హక్కుల్లో కూడా అంతే పోటీ నెలకొంది. ఇక అందులో స్టార్ మా ఛానెల్ శాటిలైట్ హక్కులను అందుకోవడంలో దూకుడుగా వ్యవహరిస్తోంది. ప్రస్తుతం పాన్ ఇండియా సినిమాలతో రాబోయే ఇంట్రెస్టింగ్ సినిమాల హక్కులన్ని 'స్టార్ మా'నే సొంతం చేసుకుంది. మొత్తం 8 సినిమాలు. వాటిపై ఒక లుక్కేస్తే..
స్టార్ మా భారీ పెట్టుబడులు
ఒక సినిమా సెట్స్ పైకి వచ్చింది అంటే గతంలో టెలివిజన్ ఛానెల్స్ లలోకి వచ్చేసరికి చాలా సమయం పట్టేది. కానీ ఈ రోజుల్లో మాత్రం రెండు మూడు వారాల అనంతరం ముందుగా ఓటీటీలోకి వచ్చి ఆ తరువాత టీవీలలో టెలిక్యాస్ట్ అవుతున్నాయి. ఇక స్టార్ మా భవిష్యత్తు సినిమాలపై పెట్టుబడులు గట్టిగానే పెట్టింది.
రెండు పాన్ ఇండియా సినిమాలు
స్టార్ మా ముందుగా రెండు పాన్ ఇండియా సినిమాలను దక్కించుకోవడం విశేషం. రాజమౌళి, ఎన్టీఆర్, రామ్ చరణ్ కాంబినేషన్ లో తెరకెక్కుతున్న RRR శాటిలైట్ హక్కులను భారీ ధరకు కొనుగోలు చేశారు. ఇక అల్లు అర్జున్ - సుకుమార్ కలయికలో వస్తున్న మరో పాన్ ఇండియా మూవీ పుష్ప హక్కులను కూడా సొంతం చేసుకున్నారు.
మహేష్, బాలయ్య సినిమాలు కూడా
బాలకృష్ణ - బోయపాటి శ్రీను కాంబినేషన్ లో వస్తున్న మూడవ సినిమా అఖండపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. ఇక ఆ సినిమా శాటిలైట్ హక్కులను కూడా ఎప్పుడో దక్కించుకున్న స్టార్ మా మహేష్ బాబు సర్కారు వారి పాట ను కూడా దక్కించుకుంది. ఈ రెండు సినిమాల ప్రీమియర్స్ కు రేటింగ్స్ హై రేంజ్ లో రావడం కాయం.
మీడియం బడ్జెట్ సినిమాలు కూడా
ఇక మీడియం బడ్జెట్ సినిమాలను కూడా స్టార్ మా ఏ మాత్రం వదల్లేదు. రవితేజ ఖిలాడి సినిమాతో పాటు శేఖర్ కమ్ముల లవ్ స్టొరీ హక్కులను కూడా దక్కించుకుంది. ఇక పోటీ ఎంత ఉన్నా కూడా టక్ జగదీష్ విషయంలో ఏ మాత్రం వెనక్కి తగ్గలేదు. నాని ప్లాప్ సినిమాలకు కూడా ప్రతిసారి మంచి రేటింగ్స్ వస్తున్నాయి. అందుకే సాలీడ్ రేటుకు టక్ జగదీష్ హక్కులను సొంతం చేసుకుంది. ఇక అక్కినేని అఖిల్ మోస్ట్ ఎలిజిబుల్ బ్యాచిలర్ శాటిలైట్ హక్కులను కూడా స్టార్ మా మొదట్లోనే సొంతం చేసుకుంది.