Bigg Boss Telugu 6: షోలోకి ఒకప్పటి చైల్డ్ ఆర్టిస్టు.. ఇప్పుడెలా మారిపోయిందో చూస్తే!

మరింత ఎంటర్‌టైన్‌మెంట్‌తో

ఆదివారం (సెప్టెంబర్ 4) నుంచి ప్రారంభం కాబోతున్న ఆరో సీజన్‌పై భారీ అంచనాలే ఉన్నాయి. అందుకు అనుగుణంగానే ఇందులో గతంలో వాటికంటే ఎక్కువ ఎంటర్‌టైన్‌మెంట్ ఉండబోతుందని నిర్వహకులు ముందే వెల్లడించారు. అంతేకాదు, షో జరిగే తీరులో కూడా చాలా మార్పులు చేసినట్లు తెలుస్తోంది. బిగ్ బాస్ హౌస్‌ను కూడా మరింత సుందరంగా తీర్చిదిద్దారు.

ఆరో సీజన్ మరింత వైభవంగా

బిగ్ బాస్ ప్రియులను ఉర్రూతలూగించేందుకు ఆరో సీజన్ ఎన్నో అంచనాల నడుమ ఆదివారం ప్రారంభించారు. దీనికి సీనియర్ హీరో అక్కినేని నాగార్జున హోస్టుగా వ్యవహరిస్తున్నారు. కంటెస్టెంట్ల ఆటపాటలతో ఈరోజు ఎపిసోడ్ అంగరంగ వైభవంగా సాగుతోంది. ఇప్పటికే ఒక కంటెస్టెంట్ బిగ్ బాస్ హౌస్‌లోకి ఎంట్రీ ఇచ్చేశారు. ఈమె తర్వాత మరికొందరు రాబోతున్నారు.

వాళ్లకే ఎక్కువ ప్రాధాన్యమిచ్చి

బిగ్ బాస్ షో అంటే ఎంత సక్సెస్‌ఫుల్ అయిందో ప్రత్యేకంగా చెప్పనక్కర్లేదు. అందుకు అనుగుణంగానే ఈ సారి ప్రసారం అవుతున్న సీజన్ కోసం నిర్వహకులు ఫేమస్ అయిన కంటెస్టెంట్లనే ఎంపిక చేసుకున్నారు. బుల్లితెరపై సందడి చేసే నటీనటులు, యాంకర్లతో పాటు సోషల్ మీడియా ద్వారా పాపులర్ అయిన వారికి పెద్దపీట వేశారు. ఇందులో లేడీస్ ఎక్కువగా ఉన్నారు.

రెండవ కంటెస్టెంట్‌గా సుదీప

ఎన్నో అంచనాలను ఏర్పరచుకున్న బిగ్ బాస్ ఆరో సీజన్ తాజాగా ప్రారంభం అయింది. ఇందులోకి మొదటి కంటెస్టెంట్‌గా కీర్తి భట్ ఎంట్రీ ఇచ్చారు. ఆమె తర్వాత రెండో కంటెస్టెంట్‌గా ఒకప్పటి లేడీ చైల్డ్ ఆర్టిస్టు సుదీప అలియాస్ పింకీ ఎంట్రీ ఇచ్చారు. ముందుగా తన కుటుంబ నేపథ్యాన్ని వివరిస్తూ ఆమె వీడియో బైట్ ఇచ్చారు. తనకు భర్త సపోర్ట్ ఎక్కువ అని చెప్పారు.

సుదీప పింకీ నేపథ్యం ఇదేనా

చైల్డ్ ఆర్టిస్టుగా కెరీర్‌ను ఆరంభించిన సుదీప.. ఎన్నో సినిమాల్లో గుర్తుండిపోయే పాత్రలు చేసింది. ఈ క్రమంలోను 'నువ్వు నాకు నచ్చావ్' మూవీలో పింకీగా యమా ఫేమస్ అయింది. ఆ తర్వాత బుల్లితెరపైన కూడా సందడి చేసిన ఆమె.. పలు సీరియళ్లలో నటించారు. చాలా కాలంగా ప్రేక్షకులకు దూరంగా ఉంటోంది. ఇప్పుడు ఆరో సీజన్ ద్వారా ఆమె రీఎంట్రీ ఇచ్చారు.