రష్మీ లేకపోతే నేను లేను.. ఆ రోజు ఫోన్‌లో చెప్పా: ఫస్ట్ టైం మనసు విప్పి మాట్లాడిన సుధీర్

యూట్యూబ్ జోడీ

రష్మీ - సుధీర్‌ను యూట్యూబ్ జోడీగా పిలుస్తుంటారు. సామాన్య ప్రజలే కాదు.. చాలా మంది ఫ్రెండ్స్ కూడా వాళ్లను ఇలాగే అంటుంటారు. దీనికి కారణం వీళ్లిద్దరిపై యూట్యూబ్‌ చానెళ్లలో వచ్చినన్ని రూమర్లు మరే జోడీపై రాకపోవడమే. వీళ్లిద్దరూ ప్రేమలో ఉన్నారని, డేటింగ్ చేసుకుంటున్నారని, పెళ్లి చేసుకోబోతున్నారని.. ఇలా ఎన్నో పుకార్లు షికార్లు చేశాయి.

క్లారిటీ ఇచ్చినా ఆగలేదు

ఒకవైపు సుధీర్.. మరోవైపు రష్మీ తమ మధ్య ఏమీ లేదని ఎన్నో సార్లు క్లారిటీ కూడా ఇచ్చారు. సోషల్ మీడియాలో పలుమార్లు వీళ్లకు ఇదే తరహా ప్రశ్నలు ఎదురయ్యాయి. అప్పుడే దీనిపై స్పష్టత ఇచ్చారు. ఒకానొక సందర్భంలోనైతే రష్మీ ఓ నెటిజన్‌తో గొడవ కూడా పెట్టుకుంది. అయినా, వీళ్లపై వచ్చే పుకార్లు ఆగడం లేదు.

‘ఢీ' షోలో సుధీర్ స్పందన

ప్రముఖ చానెల్‌లో ప్రసారమయ్యే ‘ఢీ' షోలో సుధీర్ తమ బంధంపై స్పందించాడు. ‘రష్మీ అనే అమ్మాయి లేకపోతే నాకు ఇంత పేరు వచ్చేది కాదు. సుధీర్ అంటే నా టాలెంట్ గురించి మాట్లాడరు. సుధీర్ - రష్మీ అంటారు. ఈ అమ్మాయి నా లైఫ్‌లో లేకపోతే నాకు లైఫే లేదు. ఆమె ప్రభావం నాపై ఎంతో ఉంది' అని చెప్పుకొచ్చాడు.

ఫోన్‌లో మాట్లాడుకోము

అలాగే, తమ మధ్య ఫోన్ సంభాషణల గురించి కూడా ప్రస్తావించాడు. ‘రష్మీకి నాకు ఏడు సంవత్సరాల నుంచి పరిచయం ఉంది. కానీ, ఎప్పుడూ ఫోన్‌లో మాట్లాడుకున్నది లేదు. రీసెంట్‌గా నాలుగైదు రోజుల క్రితం రెండున్నర గంటలు మాట్లాడుకున్నాం. అది కూడా మా ప్రొఫెషన్ గురించే మాట్లాడుకున్నాం' అని వెల్లడించాడు.

వాలంటైన్స్ డే రోజు విష్ చేశా

ఒకసారి ప్రేమికుల రోజున మొదటి విష్ తానే చేశానని చెప్పాడు. ‘ఒకసారి ఇద్దరం ఆహా నా పెళ్లంట అనే ప్రోగ్రాం చేశాం. ఆ ఈవెంట్‌కు ముందు ఒకసారి మాట్లాడాం. అది కూడా ఫిబ్రవరి 13న. రాత్రి 11.30 గంటలకు స్టార్ట్ చేశాం. అలా 14 తేదీకి వచ్చేశాం. అప్పుడే హ్యాపీ వాలంటైన్స్ డే అని ఫస్ట్ టైం చెప్పా' అని వివరించాడు.