మరో ఛానెల్‌లోకి సుడిగాలి సుధీర్: హాట్ బ్యూటీతో కలిసి రచ్చ.. రెమ్యూనరేషన్ ఎంతో తెలిస్తే!

జబర్ధస్త్‌గా సుధీర్ ప్రయాణం

మ్యాజిక్‌లు చేసుకుంటూ కెరీర్‌ను మొదలు పెట్టిన సుధీర్.. ఈ క్రమంలోనే జబర్ధస్త్ షోలోకి కమెడియన్‌గా ఎంట్రీ ఇచ్చాడు. ఇందులో ఆరంభంలోనే తనదైన శైలిలో మెప్పించిన అతడు.. ఆ తర్వాత కొద్ది రోజులకే టీమ్ లీడర్ అయిపోయాడు. అప్పటి నుంచి ఏమాత్రం వెనక్కి తిరిగి చూడకుండా వెళ్తున్నాడు. అంతేకాదు, రష్మీతో లవ్ ట్రాక్‌తో మరింత పాపులర్ అయిపోయాడు.

సినిమాల్లోనూ... హీరోగా బిజీ

బుల్లితెరపై సుదీర్ఘమైన ప్రయాణంలో తనదైన టాలెంట్లతో సత్తా చాటుకున్న సుడిగాలి సుధీర్ సినిమాల్లోనూ రాణించాడు. ఈ క్రమంలోనే హీరోగానూ మారి 'సాఫ్ట్‌వేర్ సుధీర్', 'త్రీమంకీస్' వంటి సినిమాల్లో నటించాడు. కానీ, ఇవి అతడికి హిట్‌ను మాత్రం తెచ్చిపెట్టలేదు. ఇప్పుడు సుధీర్ 'కాలింగ్ సహస్రా', 'గాలోడు' వంటి సినిమాల్లో హీరోగా నటిస్తూ బిజీగా గడుపుతున్నాడు.

ఈటీవీని వదిలేసి అందులో

జబర్ధస్త్ షో ద్వారా ఈటీవీలోనే తన ప్రయాణాన్ని మొదలు పెట్టిన సుడిగాలి సుధీర్.. దాదాపు ఎనిమిదేళ్ల కాలంలో కమెడియన్‌గా, హోస్టుగా ఎన్నో కార్యక్రమాలను, ఈవెంట్లను కూడా చేశాడు. అలాంటిది కొద్ది రోజుల క్రితమే ఈ ఛానెల్‌ నుంచి తప్పుకున్నాడు. అంతేకాదు, ఆ వెంటనే స్టార్ మాలోకి వెళ్లిపోయాడు. దీంతో సుడిగాలి సుధీర్ అభిమానులు తీవ్ర నిరాశకు లోనయ్యారు.

షో అవడంతో సుధీర్ మిస్

స్టార్ మాలోకి ఎంట్రీ ఇచ్చిన సుడిగాలి సుధీర్‌కు.. అక్కడి వాళ్లు స్పెషల్ ఈవెంట్ ద్వారా ఘన స్వాగతం పలికారు. ఆ తర్వాత అతడు 'సూపర్ సింగర్ జూనియర్' షోకు అతడు యాంకర్‌గా చేశాడు. అలాగే ఈ షోకు అనసూయ భరద్వాజ్ కూడా హోస్టుగా చేసిన విషయం తెలిసిందే. ఇక, ఈ సీజన్ ముగిసిన తర్వాత సుడిగాలి సుధీర్ బుల్లితెరపై కనిపించకుండా వెళ్లిపోయాడు.

జబర్ధస్త్ రీఎంట్రీ అంటూ

'సూపర్ సింగర్ జూనియర్' సీజన్ పూర్తైన తర్వాత సుడిగాలి సుధీర్ స్టార్ మాలో ఏ షోలోనూ కనిపించలేదు. దీంతో అతడు జబర్ధస్త్ షోలోకి రీఎంట్రీ ఇస్తున్నాడని జోరుగా ప్రచారం జరుగుతోంది. అంతేకాదు, అప్పటి జడ్జ్ రోజా ఇందుకు అతడికి సహాయం చేస్తున్నట్లు కూడా వార్తలు వస్తున్నాయి. కానీ, దీనిపై సుధీర్ తరపు నుంచి మాత్రం ఎలాంటి క్లారిటీ రాలేదు.

మరో ఛానెల్‌లోకి సుధీర్

చాలా రోజులుగా బుల్లితెరపై కనిపించకుండా వెళ్లిన సుడిగాలి సుధీర్.. ఇప్పుడు జీ తెలుగులోకి ఎంట్రీ ఇచ్చాడు. అందులో దసరా పండుగను పురస్కరించుకుని నిర్వహించబోతున్న 'జీ కుటుంబం అవార్డ్స్ - కిర్రాక్ పార్టీ' అనే ఈవెంట్‌ను అతడు హోస్ట్ చేయబోతున్నాడు. సుధీర్‌తో పాటు ఇందులో హాట్ యాంకర్ శ్రీముఖి కూడా సందడి చేస్తుంది. ఈ ప్రోమో తాజాగా వచ్చింది.

భారీగానే తీసుకున్నాడు

సుడిగాలి సుధీర్ వరుస ఆఫర్లతో బిజీగా ఉన్నా లేకున్నా అతడి డిమాండ్ మాత్రం ఎప్పటికీ తగ్గదనే చెప్పాలి. అందుకే ఇప్పుడు జీ తెలుగులో రాబోయే ఈవెంట్‌కు కూడా ఈ స్టార్ కమెడియన్ కమ్ యాంకర్ భారీ మొత్తాన్ని రెమ్యూనరేషన్‌గా తీసుకున్నాడట. అంతేకాదు, శ్రీముఖి కంటే అతడు డబుల్‌ చార్జ్ చేశాడని అంటున్నారు. మొత్తానికి సుధీర్ ఫ్యాన్స్ మాత్రం ఖుషీ అవుతున్నారు.