Don't Miss!
- News తండ్రైన ముఖ్యమంత్రి: తొలి నేతగా రికార్డ్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రష్మీతో సుధీర్ రొమాన్స్.. అంత మంది ఉన్నా మైమరచిపోయిన జంట.. ఫామ్లో ఉన్నాడన్న యాంకర్
టాలీవుడ్ హీరోయిన్ కమ్ యాంకర్ రష్మీ గౌతమ్ - జబర్ధస్త్ ఫేం సుడిగాలి సుధీర్ మధ్య లవ్ ట్రాక్ నడుస్తుందని ఎప్పటి నుంచో ప్రచారం జరుగుతున్న విషయం తెలిసిందే. తెలుగు వారికి దీని గురించి ప్రత్యేకంగా చెప్పనక్కర్లేదు. దాదాపు ఐదేళ్లుగా వీళ్లపై వచ్చినన్ని రూమర్స్ మరే జంటపై వచ్చి ఉండవు. జంటగా షోలు చేయడం.. అప్పుడప్పుడు స్పెషల్ షోలు చేయడంతో వీళ్ల మధ్య ఏదో ఉందనే ప్రచారం జోరుగా సాగుతోంది. ఈ నేపథ్యంలో తాజాగా వీళ్లిద్దరూ ఓ షోలో అదిరిపోయే రేంజ్లో రొమాన్స్ చేశారు.
రష్మీ - సుధీర్.. యూట్యూబ్ జోడీ
రష్మీ - సుధీర్ను యూట్యూబ్ జోడీగా పిలుస్తుంటారు. సామాన్య ప్రజలే కాదు.. చాలా మంది ఫ్రెండ్స్ కూడా వాళ్లను ఇలాగే అంటుంటారు. దీనికి కారణం వీళ్లిద్దరిపై యూట్యూబ్ చానెళ్లలో వచ్చినన్ని రూమర్లు మరే జోడీపై రాకపోవడమే. వీళ్లిద్దరూ ప్రేమలో ఉన్నారని, డేటింగ్ చేసుకుంటున్నారని, పెళ్లి చేసుకోబోతున్నారని.. ఇలా ఎన్నో పుకార్లు షికార్లు చేశాయి.
క్లారిటీ ఇచ్చారు కానీ...
ఒకవైపు సుధీర్.. మరోవైపు రష్మీ తమ మధ్య ఏమీ లేదని ఎన్నో సార్లు క్లారిటీ కూడా ఇచ్చారు. సోషల్ మీడియాలో పలుమార్లు వీళ్లకు ఇదే తరహా ప్రశ్నలు ఎదురయ్యాయి. అప్పుడే దీనిపై స్పష్టత ఇచ్చారు. ఒకానొక సందర్భంలోనైతే రష్మీ ఓ నెటిజన్తో గొడవ కూడా పెట్టుకుంది. అయినా, వీళ్లపై వచ్చే పుకార్లు ఆగడం లేదు.
రష్మీ లేకపోతే నేను లేను
ప్రముఖ చానెల్లో ప్రసారమయ్యే ‘ఢీ' షోలో సుధీర్ తమ బంధంపై ఇటీవల స్పందించిన విషయం తెలిసిందే. ‘రష్మీ అనే అమ్మాయి లేకపోతే నాకు ఇంత పేరు వచ్చేది కాదు. సుధీర్ అంటే నా టాలెంట్ గురించి మాట్లాడరు. సుధీర్ - రష్మీ అంటారు. ఈ అమ్మాయి నా లైఫ్లో లేకపోతే నాకు లైఫే లేదు. ఆమె ప్రభావం నాపై ఎంతో ఉంది' అని చెప్పుకొచ్చాడు.
రొమాంటిక్ డ్యాన్స్
అదే షోలో వచ్చే వారం జరగబోయే ఎపిసోడ్ గురించి సదరు చానెల్ ప్రోమోను విడుదల చేసింది. ఇందులో రష్మీ - సుధీర్ తొలిసారి రొమాంటిక్గా డ్యాన్స్ చేశారు. ‘పరువం వానగా నేడు కురిసేనులే' అంటూ సాగే పాటలో మైమరచిపోయి ఆడారు. గతంలో ఎన్నడూ లేని విధంగా రొమాన్స్ పండించారు. దీంతో అంతా షాక్కు గురవుతున్నారు.
ఫామ్లో ఉన్నాడు
ఈ డ్యాన్స్ తర్వాత యాంకర్ ప్రదీప్ ‘ఏంటీ.. ఎప్పుడూ లేని విధంగా ఇలా చేశారు' అని అనగానే రష్మీ దీనికి సమాధానం చెబుతూ.. ‘హానెస్ట్గా చెప్పాలంటే నేను సర్ప్రైజ్ అయ్యాను. సుధీర్ నుంచి నేను ఇది ఊహించలేదు. కుర్రాడు నిజంగా చాలా మంచి ఫామ్లో ఉన్నాడు' అని చెప్పుకొచ్చింది. దీంతో అందరూ నవ్వేశారు.