అసలు సమస్య అదే... సుడిగాలి సుధీర్, రష్మితో బిగ్ బాస్ నిర్వాహకుల చర్చలు?

వీరు ఉంటే బిగ్ బాస్ రేటింగ్ టాప్ లేచిపోతాయ్

సుధీర్, రష్మి ఉంటే ఎంత సందడిగా, ఎంత వినోదంగా ఉంటుందో ప్రత్యేకంగా చెప్పక్కర్లేదు. మరి ఇలాంటి జంట బిగ్ బాస్ లాంటి రియాల్టీ షోలో ఉంటే రేటింగ్స్ టాప్ లేచిపోవడం ఖాయం. అందుకే వీరిని ఎలాగైనా ఒప్పించేందుకు ప్రయత్నాలు జరుగుతున్నాయట.

ఇద్దరినీ ఒప్పించడం పెద్ద సవాలు

అయితే ఈ ఇద్దరినీ ‘బిగ్ బాస్' షోకు తీసుకురావడం అంత సులభం ఏమీ కాదు. వీరు టీవీ షోలతో పాటు సినిమాలు కూడా చేస్తూ బిజీగా గడుపుతున్నారు. వీరి డేట్స్ అడ్జెస్ట్ చేస్తూ 90 రోజుల పాటు సాగే బిగ్ బాస్ రియాల్టీ షోకు తీసుకురావడం అంటే నిర్వాహకులు భారీగా రెమ్యూనరేషన్ చెల్లించాల్సి ఉంటుంది. ఈ నేపథ్యంలో ఇది కమర్షియల్‌గా వర్కౌట్ కాకపోవచ్చే అభిప్రాయాలు వ్యక్తమవుతున్నాయి.

ఇంతకీ వారు ఒప్పుకుంటారా?

బిగ్ బాస్, ఢీ లాంటి షోలలో ఒకరితో ఒకరు సరదాగా గొడవ పడుతూ రష్మి, సుధీర్ పాపులర్ అయ్యారు. అయితే వారి గొడవలు కేవలం ఆ షో వరకు మాత్రమే పరిమితం. వ్యక్తిగతంగా వారు చాలా క్లీన్ ఇమేజ్ కలిగిన వ్యక్తులు. బిగ్ బాస్ 3 లాంటి షోలకు వచ్చి రియల్‌గా గొడవ పడటానికి వారు ఇష్టపడక పోవచ్చే అభిప్రాయాలు కూడా వ్యక్తం అవుతున్నాయి. మరి వీరిని ఒప్పించడంలో బిగ్ బాస్ తెలుగు 3 నిర్వాహకులు ఏమేరకు సక్సెస్ అవుతారో చూడాలి.

బిగ్ బాస్ తెలుగు సీజన్ 3

క్రికెట్ వన్డే వరల్డ్ కప్ టెర్నమెంట్ ముగిసిన అనంతరం ‘బిగ్ బాస్ తెలుగు సీజన్ 3' ప్రారంభించేందకు నిర్వాహకులు సన్నాహాలు చేస్తున్నారు. ఇప్పటికే కొందరు సెలబ్రిటీలను ఫైనలైజ్ చేసినట్లు సమాచారం. ఈ సారి షోను నాగార్జున హోస్ట్ చేసే అవకాశం ఉందని తెలుస్తోంది.