సుడిగాలి సుధీర్ సినిమాకు 5కోట్లు లాభం.. అందుకే రష్మీతో మరో రొమాంటిక్ సినిమా!

జబర్దస్త్ కాంబినేషన్..

బుల్లితెరపై ఆల్ టైమ్ టాప్ రేటింగ్స్ అందుకునే జబర్దస్త్ షోలో ఎక్కువగా సుడిగాలి సుధీర్ హవా నడుస్తోంది. గెటప్ శ్రీను, ఆటో రామ్ ప్రసాద్ కాంబినేషన్ లో సుధీర్ టీమ్ ని లీడ్ చేస్తూ మంచి గుర్తింపు అందుకున్నాడు. దాదాపు ప్రతి స్కిట్ క్లిక్కవ్వడంతో రోజుకి లక్షకు పైగా పేమెంట్స్ అందుకుంటున్నారట. సినిమాల్లో అవకాశాలు వస్తున్నా కూడా జబర్దస్త్ ని వధలడానికి ఇష్టపడటం లేదు.

ఆ సినిమా హిట్టా..

సుడిగాలి సుధీర్ జబర్దస్త్ లో క్లిక్కవ్వగానే హీరోగా చాలా ఆఫర్స్ వచ్చినప్పటికి కథలు నచ్చకపోవడంతో చేయలేదట. ఇక సాఫ్ట్ వేర్ సుధీర్ అనే కాన్సెప్ట్ నచ్చడంతో ఆ సినిమాను చాలా వేగంగా పూర్తి చేశాడు. కొత్త దర్శకుడు శేఖర్ రాజా రూపొందించిన ఆ సినిమాలో ధాన్య బాలకృష్ణ హీరోయిన్ గా నటించింది. గత ఏడాది డిసెంబర్ లో సినిమాను విడుదల చేయగా ఊహించని రిజల్ట్ ని అందుకుంది.

5కోట్లు లాభం..?

సినిమా రిలీజ్ కు ముందు ప్రమోషన్స్ డోస్ పెంచిన చిత్ర యూనిట్ సినిమా రిలీజ్ తరువాత కూడా అదే తరహాలో ప్రచారం చేసింది. సాఫ్ట్ వేర్ సుధీర్ సినిమా 5కోట్ల రూపాయల వరకు షేర్స్ అందించింది అని ఈ స్థాయిలో సక్సెస్ అవుతుందని ఎవరు ఉహీంచలేదని చిత్ర దర్శకుడు ప్రచారం చేయడం అందరిని ఆశ్చర్యపరిచింది.

సినిమా డిజాస్టర్స్..

అసలైతే ఆ సినిమాకు ప్రాఫిట్స్ వచ్చినట్లు వస్తున్న వార్తల్లో ఎలాంటి నిజం లేదని అప్పట్లోనే కామెంట్స్ వచ్చాయి. కనీసం ఓపెనింగ్స్ కూడా రాలేవు. జబర్దస్త్ కమెడియన్ బిగ్ స్క్రీన్ పై అంతగా క్లిక్కవ్వలేకపోయాడు అనేది వాస్తవం. మంచి టాలెంట్ ఉన్న గెటప్ శ్రీను కూడా బిగ్ స్క్రీన్ పై ఇంకా నిలదొక్కుకోలేకపోతున్నాడు.

Recommended Video

Nani Vs Vijay Devarakonda Fans | V Teaser | World Famous Lover

రష్మీతో కొత్త సినిమా...

సుడిగాలి సుధీర్, యాంకర్ రష్మీల మధ్య రూమర్స్ ఏ రేంజ్ లో వైరల్ అవుతుంటాయో స్పెషల్ గా చెప్పనవసరం లేదు. అయితే వారిద్దరిని హీరో హీరోయిన్ గా పెట్టి సినిమా చేయనున్నట్లు అప్పట్లో దర్శకుడు శేఖర్ రాజా ఎనౌన్స్ చేశారు. రొమాంటిక్ ఎంటర్టైన్మెంట్ గా తెరకెక్కబోయే ఆ సినిమా త్వరలోనే సెట్స్ పైకి వెళ్ళనుందట. ఇక అందుకు సంబంధించిన కథా చర్చలు జరుగుతున్నట్లు తెలుస్తోంది. ఇక బుల్లితెరపై క్లిక్కయిన రష్మీ, సుధీర్ జోడి బిగ్ స్క్రీన్ పై ఎంతవరకు సక్సెస్ అవుతుందో చూడాలి.