పర్సనల్ సీక్రెట్ చెప్పేసిన భర్త.. అది ఎందుకు చెప్పాడు.. డర్టీ ఫెల్లో అంటూ కస్సుమన్న అనసూయ!!

తొమ్మిదేళ్ల ప్రేమ..

అనసూయ తన ప్రేమ కథ గురించి వివరించింది. ఎన్‌సీసీలో శిక్షణ తీసుకుంటుండగా.. సుశాంక్ పరిచయం అయ్యాడని, ఐ లవ్యూ అని కాకుండా పెళ్లి చేసుకుందామా? అని అడిగినట్టు తెలిపింది. ఇదే విషయాన్ని అమ్మకే మొదట చెప్పానని, నాన్న ఒప్పుకోకపోయినా.. తొమ్మిదేళ్లు ఎదురుచూసి అందరి అంగీకారంతో పెళ్లి చేసుకున్నామని తన ప్రేమ పురాణాన్ని వివరించింది.

మొదటి ట్రోలింగ్ అలా..

ట్రోలింగ్‌కు, వివాదాలకు అనసూయ కేరాఫ్ అడ్రస్‌గా ఉంటుందన్న సంగతి తెలిసిందే. అత్తారింటికి దారేది సినిమాలోని ఇట్స్ టైమ్ టు పార్టీ సాంగ్ మీద చేసిన కామెంట్‌తో తనపై ట్రోలింగ్ మొదలైందని చెప్పుకొచ్చింది. అయితే ఆ సమయంలో బాగా సెన్సిటివ్‌గా ఉండేదాన్ని అని అనసూయ పేర్కొంది.

ఇప్పుడు రాటుదేలాను..

అయితే మొదట్లో తాను ఈ ట్రోలింగ్ వల్ల డిప్రెషన్‌లోకి వెళ్లానని, ఎన్నో రాత్రులు ఏడ్చుకుంటూ ఉండేదాన్ని అని అనసూయ తెలిపింది. కానీ రానూ రానూ బాగా రాటు దేలిపోయానని పేర్కొంది. ఇప్పుడు ఎవరూ ఏమన్నా పట్టించుకోనని, ఏడ్వడం లేదని, ధీటుగా సమాధానాలిస్తున్నానని చెప్పుకొచ్చింది.

ఇంట్లో మాత్రం అలా..

ఇంట్లో మాత్రం హెయిర్ పిన్ కనిపించకపోయినా భోరు మని ఏడుస్తావట కదా? అని అలీ ప్రశ్నించాడు. ఇది మీకెలా తెలిసింది.. అది మా పర్సనల్ సీక్రెట్ కదా ఎవరు చెప్పారు అని అనసూయ ఆశ్చర్యం వ్యక్తం చేసింది. సుశాంక్ ఫోన్ చేసి చెప్పాడని అలీ అనగానే..డర్టీ ఫెల్లో అలా ఎలా చెప్పాడంటూ భర్తపై ముద్దుగా అలిగింది.

Recommended Video

Anasuya Bharadwaj Likely To Out From Jabardasth Show

డర్టీ ఫెల్లోస్..

ఇక అనసూయ తన పిల్లలు మాట్లాడిన ముద్దు ముద్దు మాటలకు ఫిదా అయిపోయింది. అయితే ఇళ్లంతా చిందరవందర చేయడం, ప్యాంట్ వేసుకోకపోవడంతో డర్టీ ఫెలోస్ అంటూ పిల్లలపై తియ్యగా కస్సుమంది. దీన్ని బట్టిచూస్తే డర్టీ ఫెల్లోస్ అనేది అనసూయ ఊత పదంలా కనిపిస్తోంది.