బిగ్ బాస్ తమిళ్ రియాల్టీ షోలో అత్యధిక రెమ్యూనరేషన్ ఆమెకేనా? రోజుకు ఎంతంటే?

వనితా విజయ్ కుమార్ రోజుకు రూ. 2.5 లక్షలు

వనితా విజయ్ కుమార్ బిగ్ బాస్ షో కోసం కోసం రోజుకు రూ. 2.5 లక్షలు చార్జ్ చేస్తున్నట్లు తెలుస్తోంది. ఆమె ఇంట్లో క్రియేట్ చేస్తున్న వివాదాలు, బిగ్ బాస్ ఇచ్చే టాస్కుల్లో చలాకీగా పాల్గొనడం, ఇతర ఇంటి సభ్యులతో ప్రవర్తిస్తున్న తీరు ఆసక్తికరంగా ఉండటంతో ఆమెకు ఫ్యాన్ ఫాలోయింగ్ కూడా ఎక్కువగానే ఉందట.

ఇపుడు డిమాండ్ మరింత పెరిగింది

వనితా విజయ్ కుమార్ మొదట ఇంట్లోకి ప్రవేశించినపుడు రోజుకు రూ. 1.5 లక్షలు మాత్రమే చార్జ్ చేశారు...ఇది కూడా ఇంట్లో ఉండే అందరికంటే అత్యధిక మొత్తమే. ఆమె ఉండటం వల్ల షో రేటింగ్స్ పెరుగుతుండటంతో రెండో సారి రోజుకు రూ. 2.5 లక్షలు ఆఫర్ చేసి మరీ వైల్డ్ కార్డ్ ఎంట్రీ ఛాన్స్ ఇచ్చినట్లు తెలుస్తోంది.

చేరన్ రోజుకు రూ. 1 లక్షల

చేరన్ అనే మరో కంటెస్టెంట్ రోజుకు రూ. 1 లక్ష చొప్పున చార్జ్ చేసినట్లు సమాచారం. ఆయనకు ఆల్రెడీ రూ. 15 లక్షలు అడ్వాన్స్ ఇచ్చి మరీ షోలోకి తీసుకున్నట్లు తమిళ మీడియాలో ప్రచారం జరుగుతోంది. వీరితో పాటు మరికొందరు కంటెస్టెంట్ల పేమెంట్స్ వివరాలు కూడా బయటకు లీక్ అయ్యాయి.

ఇతర సభ్యులు ఎవరు ఎంత?

శరవణన్ రోజుకు రూ. 80 వేలు, కవిన్ రోజుకు రూ. 50 వేలు, థర్శన్ రోజుకు రూ. 50 వేలు, ముగెన్ రోజుకు రూ. 50 వేలు, లోస్లియా రోజు రూ. 50 వేలు, మధుమిత రోజుకు రూ. 80 వేలు, కస్తూరి రోజుకు రూ. 1.25 లక్షలు, షెరిన్ రోజుకు రూ. 80 వేలు చార్జ్ చేసినట్లు సమాచారం.