‘అందుకే బిగ్‌బాస్‌ ఆఫర్ రిజెక్ట్ చేశా.. కారణమేమిటంటే’

కంటి గాయంతో తప్పుకొని

తేజస్వి ప్రకాశ్‌ ప్రస్తుతం బల్గేరియాలో గాయాల బారిన పడి ఇబ్బందులు పాలైంది. జాతీయ టెలివిజన్‌ రంగంలో అత్యంత ప్రజాదరణ ఉన్న ఖత్రోంకి ఖిలాడి రియాలిటీ షోలో ఆమె పాల్గొంటున్నారు. అయితే ఈ షోకు సంబంధించి నీళ్లలో చేసిన షూటింగ్‌లో తేజస్వి కంటికి తీవ్రమైన గాయాలయ్యాయి. దాంతో ఆ షోలోని టాప్ ర్యాంకింగ్‌లో ఆరోస్థానం నుంచి అవుట్ అయ్యారు.

విశ్రాంతి తీసుకొంటున్నా

నేను ఇంకా బల్గేరియాలోనే ఉన్నాను. సెప్టెంబర్ 8న తిరిగి ఇండియాకు వస్తున్నాను. వాటర్ స్ట్రంట్స్ చేస్తుండగా కంటికి తీవ్రగాయమైంది. కంటి నొప్పితో తీవ్రంగా బాధపడుతున్నాను. గాయం పెద్దదేదని వైద్యులు చెప్పారు. విశ్రాంతి తీసుకోవాలని వైద్యులు సూచించారు. అందుకే ఖంత్రోకి ఖిలాడి షోలో టాప్ 6 ర్యాంకు నుంచి తప్పుకొన్నాను అని తేజస్వి చెప్పింది.

రోహిత్ శెట్టి అంటే ఇష్టం

ఖత్రోంకి కిలాడీ షోలో పాల్గొనడం గొప్ప అనుభూతి. నేనే ఆ షోలో అత్యంత తక్కువ వయసు ఉన్న యువతిని. దర్శకుడు రోహిత్ శెట్టి అద్బుతమైన వ్యక్తి. నాకు గాయమైతే ఆయన తట్టుకోలేకపోయాడు. ఆ షో నుంచి తప్పుకోవడంతో బాధపడ్డారు. ఎప్పుడూ నా ఆరోగ్యం గురించి అడిగి తెలుసుకొనే వారు అని తేజస్వి చెప్పారు.

బిగ్‌బాస్ చేయడం లేదు

సల్మాన్ ఖాన్ హోస్ట్‌గా త్వరలో ప్రారంభం కానున్న బిగ్‌బాస్ షోలో పాల్గొనడం లేదు. గత మూడేళ్లుగా నన్ను నిర్వాహకులు సంప్రదిస్తున్నారు. ఈ ఏడాది కూడా సంప్రదించారు. కానీ నేను వారికి అందుబాటులో ఉండనని చెప్పారు. వచ్చే ఏడాది బిగ్‌‌బాస్‌లో పాల్గొనేందుకు ట్రై చేస్తాను అని తేజస్వి మీడియాతో పంచుకొన్నారు.