మద్యం మత్తు? ఐపీఎల్ మ్యాచ్‌‌లో తెలుగు టీవీ నటి ప్రశాంతి అండ్ గ్యాంగ్ రచ్చ.. కేసు నమోదు!

వివిధ సెక్షన్ల కింద కేసు నమోదు

అతడి నుంచి కంప్లయింట్ అందుకున్న పోలీసులు ఐపీసీ సెక్షన్ 341, 188, 506 కింద కేసు నమోదు చేసినట్లు తెలిపారు.యాంకర్ చింతల ప్రశాంతి (32), కందూరి పూర్ణిమ (27), కె.ప్రియ (23), లక్కపల్లి సురేష్‌ (28), వంటేరు శ్రీకాంత్‌రెడ్డి (48), గుర్రం వేణుగోపాల్‌ (38)పై పోలీసులు కేసు నమోదు చేశారు.

మద్యం మత్తులో ఇతరులకు ఇబ్బంది కలిగేలా

మ్యాచ్ చూసేందుకు వెళ్లిన వారు అరవడం, గోల చేయడం మామూలే. అయితే ప్రశాంతి అండ్ గ్యాంగ్ శృతి మించి ప్రవర్తించారని, పక్కవారికి ఇబ్బంది కలిగేలా వ్యవహరించారనే ఆరోపణలు వెల్లువెత్తుతున్నాయి. వీరు మద్యం సేవించి ఉన్నట్లు ఆరోపణలు వినిపిస్తున్నాయి.

సీసీ టీవీ పుటేజీ స్వాధీనం

ప్రశాంతి అండ్ గ్యాంగ్ మీద ఫిర్యాదు రావడంతో పోలీసులు ఉప్పల్ స్టేడియంలోని సీసీ టీవీ పుటేజీ స్వాధీనం చేసుకున్నట్లు తెలుస్తోంది. పుటేజీ పరిశీలించిన అనంతరం వారు ప్రశాంతి అండ్ గ్యాంగ్ మీద తగిన చర్యలు తీసుకునే అవకాశం ఉంది.

విస్తుపోతున్న జనం

ప్రశాంతి అండ్ గ్యాంగ్ చేసిన రాద్దాంతం కేవలం లోకల్ మీడియాలోనే కాదు... జాతీయ మీడియాలో కూడా చర్చనీయాంశం అయింది. బాధ్యతగా ఉండాల్సిన వారు ఇలా హద్దులు మీరి ప్రవర్తించిన విషయం తెలిసి అంతా విస్తుపోతున్నారు.