Don't Miss!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టీవీ నటుడికి కరోనా.. షూటింగ్లు బంద్.. అంతా మూన్నాళ్ల ముచ్చటే!!
కరోనా మహమ్మరి రోజురోజుకూ తన ప్రతాపాన్ని పెంచుకుంటూ పోతోంది. అయితే కరోనా మన జీవితంలో ఓ భాగస్వామ్యం అయిందనుకుంటూ ఎవ్వరి పనుల్లో వారు నిమగ్నమయ్యారు. అయితే ఇదే అదును అనుకున్న కరోనా మాత్రం దావానంలా వ్యాప్తిచెందుతోంది. ప్రభుత్వాలు ఇచ్చిన సడలింపులు కూడా దీనికి అగ్నిలో ఆజ్యం పోసినట్టు తయారైంది. సినిమా, సీరియల్ షూటింగ్లకు ప్రభుత్వాలు అనుమతినిచ్చిన సంగతి తెలిసిందే.
ప్రభుత్వాల నిబంధనలు..
సినిమా రంగాన్ని ఆదుకునేందకు ప్రభుత్వాలు కొన్ని సడలింపులు ఇచ్చాయి. కోవిడ్ నిబంధనలకు అనుగుణంగా సీరియల్, సినిమా షూటింగ్లను అతి తక్కువ మందితో నిర్వహించుకోవచ్చని తెలిపింది. దీంతో గతవారం నుంచే షూటింగ్లు మొదలయ్యాయి.
సీరియల్ పరిశ్రమ..
అందరి కంటే ముందుగా టీవీ ఇండస్ట్రీయే షూటింగ్లను ప్రారంభించింది. గత మూడు నెలలుగా జరిగిన కథను ప్రసారం చేస్తున్న చానెళ్లు కొత్త కథను ప్రారంభించేందుకు తహతహలాడాయి. అందుకే షూటింగ్లను శర వేగంగా ప్రారంభించి ఈ వారం నుంచే కొత్త ఎపిసోడ్లను ప్రారంభించాయి.
దెబ్బకు షాక్..
అయితే తాజాగా సీరియల్ నటుడు ప్రభాకర్ కరోనా వచ్చిందనే వార్త అందర్నీ షాక్కు గురి చేసింది. జీ తెలుగులో ప్రసారం అయ్యే సూర్యకాంతం సీరియల్ సహా వేరొక సీరియల్ లోనూ ఆయన నటిస్తున్నారని తెలిసింది. దీంతో ఒక్క సారిగా బుల్లితెర లోకం ఉలిక్కి పడింది. తిరుపతి నుంచి హైదరాబాద్ కి వచ్చిన సదరు నటుడికి సెట్స్ లో జ్వరం కనిపించడం తో టెస్ట్ చేయించడంతో పాజిటివ్ అని తేలింది.
Recommended Video
షూటింగ్లు బంద్..
ఎంతో సంబరంగా మొదలు పెట్టిన షూటింగ్లు బంద్ అయ్యాయి. అంతా మూన్నాళ్ల ముచ్చటగానే మిగిలింది. నిర్మాతల తో మాట్లాడి ప్రస్తుతం ఆయా సీరియళ్ల షూటింగులు ఆపేయాలని టీవీ ఆర్టిస్టుల సంఘం డిమాండ్ చేస్తోందట. అందుకే పెద్ద సినిమాలు, పెద్ద హీరోలెవ్వరూ షూటింగ్ల జోలికి వెళ్లడం లేదు.