కపిల్ కామెడీ షో టీఆర్పీ రేటింగ్ ఢమాల్... ఆ కమెడియన్ లేకపోవడమే కారణమా?

దారుణంగా పడిపోయిన టీఆర్పీ రేటింగ్స్

9వ వారంలో కపిల్ శర్మ కామెడీ షో రేటింగ్ దారుణంగా పడిపోయాయి. ఈ రెండు కారణాలు.. ముఖ్యంగా చందన్ ప్రభాకర్ షోలో లేకపోవడం ప్రభావం చూపినట్లు భావిస్తున్నారు. రేటింగ్స్ చార్టులో ఈ షో 2వ స్థానం నుంచి 4వ స్థానానికి పడిపోయింది.

నెం.1 రోహిత్ శెట్టి షో..

కలర్స్ ఛానల్‌లో రోహిత్ శెట్టి హోస్ట్ చేస్తున్న ‘ఖత్రోంకి ఖిలాడి-జిగ్గర్ పె ట్రిగ్గర్' టీఆర్పీ రేటింగ్స్ 9వ వారంలో స్టడీగా కొనసాగింది. ఈ షో 3.1 రేటింగ్ సాధిస్తూ మొదటి స్థానంలో కొనసాగుతోంది.

సూపర్ డాన్సర్

శిల్పా శెట్టి, అనురాగ్ బసు, గీతా కపూర్ సోనీ టీవీలో హోస్ట్ చేస్తున్న కిడ్స్ డాన్స్ రియాల్టీ షో ‘సూపర్ డాన్సర్ చాప్టర్ 3'... 2.6 రేటింగుతో రెండో స్థానంలోకి ఎగబాకింది. కలర్స్ ఛానల్‌లో ప్రసారం అవుతున్న ‘నాగిని 3' 2.5 రేటింగుతో మూడో స్థానంలో ఉంది.

దారుణంగా పడిపోయిన కపిల్ శర్మ రేటింగ్

‘కపిల్ శర్మ కామెడీ షో' మొన్నటి వరకు మొదటి, రెండో స్థానాల్లో కొనసాగుతూ వచ్చింది. అయితే 9వ వారంలో కేవలం 2.4 రేటింగుతో 4వ స్థానంలోకి పడిపోవడంతో ఈ షోకు ఆదరణ తగ్గిందనే వాదన తెరపైకి వచ్చింది.