గొడవ పడిన రోజా, నాగబాబు.. సోషల్ మీడియాలో సెన్సేషనల్ వీడియో

నాగబాబు, రోజా మధ్య గొడవ

ప్రస్తుతం బుల్లితెరపై ఓ వీడియో హంగామా చేస్తోంది. ఆ వీడియోలో నాగబాబు, రోజా గొడవ పడుతూ కనిపించడంతో అంతా ఒక్కసారిగా అవాక్కయ్యారు. అయితే ఇది నిజమైన గొడవ కాదులెండి. ఎప్పటిలాగే బుల్లితెర ప్రేక్షకులకు వినోదం పంచడంలో భాగంగా జరిగిన గొడవ. 'ఔను వాళ్లిద్దరూ గొడవ పడ్డారు' అనే ప్రోగ్రాం కోసం నాగబాబు, రోజా ఇలా గొడవ పడాల్సి వచ్చింది.

వినాయక చవితి సందర్బంగా..

ప్రతీ పండగకు బుల్లితెరపై వినోదం పంచుతూ ఖుషీ చేస్తున్న ఈ స్టార్స్.. ఎప్పటిలాగే ఈ ఏడాది వినాయక చవితి సందర్భంగా 'ఔను వాళ్లిద్దరూ గొడవ పడ్డారు' అనే ప్రోగ్రాం ద్వారా ప్రేక్షకుల ముందుకు రాబోతున్నారు. ప్రస్తుతం ఈ ప్రోగ్రాంకి సంబందించిన ప్రోమో వీడియో సోషల్ మీడియాలో వైరల్ గా మారింది.

నవ్వుపైనే అసలు గొడవ.. రోజా, నాగబాబు మాటల యుద్ధం

నా నవ్వు బాగుంటుందా.. లేక నీ నవ్వు బాగుంటుందా అంటూ నాగబాబు, రోజాల మధ్య జరుగుతున్న వార్ తాలూకు కొన్ని క్లిప్స్ ఈ వీడియోలో చూపించారు. అంతేకాదు ఈ వీడియోలో జబర్దస్త్ కమెడియన్లతో పాటు ప్రదీప్, రవి లాంటి వారి సందడి కూడా కనిపించింది. దీంతో ఈ వినాయక చవితికి ఫుల్లుగా ఎంజాయ్ చేయొచ్చు అని ఫిక్స్ అవుతున్నారు బుల్లితెర ఆడియన్స్.

జబర్దస్త్‌కి రోజా గుడ్ బై

మరోవైపు జబర్దస్త్‌కి రోజా గుడ్ బై చెప్పిందనే వార్త సోషల్ మీడియాలో వైరల్ అవుతోంది. తాజాగా విడుదలైన ప్రోమోలో జడ్జ్ స్థానంలో రోజా బదులుగా శేఖర్ మాస్టర్ కనిపించడంతో రోజా జబర్దస్త్ నుంచి తప్పుకుందని అంటున్నారు. అయితే దీనిపై అఫీషియల్ సమాచారం బయటకు రాకపోవడం గమనార్హం.