Don't Miss!
- News జైల్లో చిప్పకూడే.: కేటీఆర్కు సీఎం రేవంత్ రెడ్డి స్ట్రాంగ్ కౌంటర్
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- Sports RCB vs KKR: సారీ.. మా ఆటగాళ్ల పేర్లు మరిచిపోయా: శ్రేయస్ అయ్యర్ వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
జైలుగదిలో బిగ్బాస్ సభ్యుల బందీ.. మొదటివారమే పరువు తీస్తున్నారు..
బాలీవుడ్ నటుడు సల్మాన్ ఖాన్ హోస్ట్గా వ్యవహరిస్తున్న బిగ్బాస్11 అట్టహాసంగా ప్రారంభమైంది. బిగ్బాస్ ఇంటిలోకి చేరిన సభ్యుల్లో ఇద్దరు మొదటి రోజే ఒకరి మీద మరొకరు దుమ్మెత్తి పోసుకున్నారు. ఇంట్లో సర్దుకోకు
బాలీవుడ్ నటుడు సల్మాన్ ఖాన్ హోస్ట్గా వ్యవహరిస్తున్న బిగ్బాస్11 అట్టహాసంగా ప్రారంభమైంది. బిగ్బాస్ ఇంటిలోకి చేరిన సభ్యుల్లో ఇద్దరు మొదటి రోజే ఒకరి మీద మరొకరు దుమ్మెత్తి పోసుకున్నారు. ఇంట్లో సర్దుకోకుముందే ఘర్షణకు దిగితున్నారు. తెలుగు బిగ్బాస్ను చూసిన వారందరూ ఇదేం గేమ్ షో రా బాబూ అంటూ ముక్కున వేలేసుకుంటున్నారు. తాజా ఎపిసోడ్లో ముగ్గురు సభ్యులను ఇంట్లో ఏర్పాటు చేసిన జైలు గదిలో బంధించడం ఈ షోకు పరాకాష్టకు చేరిందనడానికి నిదర్శనంగా మారింది. వివరాల్లోకి వెళితే..
మొదటి వారమే మాటల యుద్దాలు
ఇంటి సభ్యుల్లో శిల్పా షిండే, వికాస్ గుప్తా అనే ఇద్దరు ఇంటి సభ్యులు ఒకరిపై మరొకరు కారాలు మిరియాలు నూరుకొంటున్నారు. ఏకంగా హోస్ట్ సల్మాన్ ఖాన్ ఎదుటే వాగ్వాదానికి దిగారు. గత ఐదు రోజుల్లో పలుమార్లు ఘర్షణకు పాల్పడటంతో ఈ షో రచ్చ రచ్చగా మారింది. ఆ దశలో శిల్ప బ్యాగ్పూ వికాస్ గుప్తా టీ చల్లడంతో ఇద్దరి మధ్య ఘర్షణ తీవ్రస్థాయికి చేరుకొన్నది.
కఠిన శిక్ష అమలు
ఇంటి నిబంధనలు ఉల్లఘించిన వారికి కఠిన శిక్షలు విధించడం కోసం ఓ జైలు గదిని ఏర్పాటు చేశారు. గురువారం రాత్రి ప్రసారమైన ఎపిసోడ్లో ఇంటి నిబంధనలు ఉల్లంఘించినందుకు గాను శిల్పా, జుబేర్ ఖాన్, ఆకాశ్ దల్దానీని జైలు గదిలో బంధించారు. ఈ జైలుగదికి దారుణంగా, అత్యంత కంపుకొట్టే అటాచ్డ్ బాత్రూంనే వీరు వాడుకోవాల్సి ఉంటుంది.
ముగ్గురు జైలుగదిలోనే
బిగ్ బాస్ లేదా హోస్ట్ సల్మాన్ ఖాన్ నుంచి ఆదేశాలు వెలువడే వరకు ముగ్గురు ఇంటిసభ్యులను జైలుగదిలోనే ఉంచుతారు. బిగ్బాస్11 ప్రారంభమైన తొలివారంలోనే ఈ గేమ్ షో రచ్చ రచ్చగా మారుతున్నది. ఇక మున్ముందు ఎలాంటి ఎపిసోడ్స్ చూడాల్సి వస్తుందో అనే భయం ప్రేక్షకులను వెంటాడటం గమనార్హం.
సులభమైన బడ్జెట్ టాస్క్
బిగ్బాస్11లో ప్రత్యేక ఆకర్షణ ఏమిటంటే.. ఇంటి సభ్యులతోపాటు హౌస్ చుట్టుపక్కల ఇరుగుపొరుగు వారు కూడా ఉండటం. తొలి లగ్జరీ బడ్జెట్ టాస్క్ ఇంటి సభ్యులకు, ఇరుగుపొరుగ వారికి జరిగింది. అయితే గత సీజన్తో పోల్చుకొంటే ఈసారి చాలా సులభమైన బడ్జెట్ టాస్క్ను ఇవ్వడం గమనార్హం. ఇరుగు పొరుగు వ్యవహరిస్తున్న లవ్ త్యాగి, మెహ్జాబీ సిద్ధిఖీ, లుసిండా నికోలస్, సవ్యసాచి సతాపతిపై ఇంటి సభ్యులు గెలిచారు.